A mori pjesë Shqipëria në hapjen e ambasadës amerikane?

A mori pjesë Shqipëria në hapjen e ambasadës amerikane?

Në dhjetor Shqipëria votoi pro rezolutës së OKB që dënonte vendimin e Shteteve të Bashkuara të Amerikës për njohjen e Jeruzalemit si kryeqytet të Izraelit, duke zhvendosur ambasadën së saj nga Tel Avivi në këtë qytet.

Por, në listën e 32 vendeve që ishin të pranishme në këtë ceremoni të hënën, sipas Al Jazeera-s bën pjesë edhe vendi ynë. Ky është pretendimi i shfaqur nga Al Jazeera, por burime nga Ministria e Jashtme e Shqipërisë e mohojnë këtë, duke deklaruar se nuk kanë qenë të pranishme nw ceremoni.

“Qëndrimi i Shqipërisë lidhur me këtë çështje është i ditur dhe nuk ka ndryshim të këtij qëndrimi”, thotë Ministria e Jashtme.

Ministria e Jashtme izraelite njoftoi se u kishte dërguar ftesa të 86 vendeve që kanë misione diplomatike në Izrael. 33 vende kishin konfirmuar pjesëmarrjen dhe prej tyre Tajlanda dhe Nigeria e anuluan në moment të fundit.

Edhe Serbia e Maqedonia, që në dhjetor mbajtën të njëjtin qëndrim si Shqipëria në OKB u përfaqësuan në këtë ceremoni dhe nga Ballkani u bashkua në fund edhe Rumania, që abstenoi në votimin e OKB-së.

Çështja e zhvendosjes së ambasadës amerikane në Jeruzalem ka trazuar Bukureshtin. Presidenti Klaus Iohannis është përplasur me Kryeministrin Viorica Dancila për qëndrimin e mbajtur, sidomos pasi Bukureshti bllokoi përmes vetos një rezolutë të 28 vendeve anëtare të BE-së që dënonte vendimin e Uashingtonit për lëvizjen e selisë diplomatike.

Ceremonia u shoqërua me protesta nga palestinezët në Rripin e Gazas. Mbi 55 protestues mbetën të vrarë nga ushtria izraelite dhe 2700 të tjerë janë plagosur.

32 vendet pjesëmarrëse sipas Al Jazeera

Top Channel

Flaka Redaksia
nga Flaka Redaksia Maj 15, 2018 22:25

Publicitet


Moti sot
25°
25°
Sat
26°
Sun
24°
Mon
16°
Tue

ARKIVI I LAJMEVE