Ahmeti: Partneriteti mes BDI-së dhe LSDM-së funksionon pa probleme

Ahmeti: Partneriteti mes BDI-së dhe LSDM-së funksionon pa probleme

Partneriteti midis BDI-së dhe LSDM-së funksionon pa probleme, ka vlerësuar lideri i Bashkimit Demokratik për Integrim (BDI) Ali Ahmeti duke u përgjigjur në pyetjen e gazetarëve se si është gjendja në koalicionin qeveritar.

Sipas Ahmetit ka dallime dhe paragjykime nga siç tha, “ndonjë anëtar i partisë së tij, por ajo nuk e rrezikon partneritetin”.

“Kuptohet që kemi edhe dallime. Kuptohet se ka edhe paragjykime nga ndonjë anëtar i organizatës sonë, por ajo nuk nënkupton se e rrezikon partneritetin dhe se do të krijohet ndonjë pakënaqësi deri në mosrespektim të partneritetit. Nuk ka kurrfarë problemi që do të na rrezikonte neve, partnerët e koalicionit”, ka thënë Ahmeti i cili ka marrë pjesë në përvjetorin e Marrëveshjes së Ohrit që sonte u mbajt në Klubin e deputetëve. 

Redaksia Flaka
nga Redaksia Flaka Gusht 13, 2019 21:58

© FLAKA.COM.MK - Derisa keni vendosur të merrni përmbajtje nga kjo faqe, në tërësi pajtoheni me kushtet e përdorimit.