Ansambli “Ibe Palikuqi” shënoi 40 vjetorin, filloi me ekspozitë, mbaroi me akademi solemne

Ansambli “Ibe Palikuqi” shënoi 40 vjetorin, filloi me ekspozitë, mbaroi me akademi solemne

Ansambli “Ibe Palikuqi” ka shënuar 40 vjetorin e themelimit me një ekspozitë të veprimtarisë së bujshme të këtyre viteve ekzistencë.

Në këtë ekspozitë kishte fotografi ndër vite me valltarë si dhe kostume që i posedon ky ansambël, por edhe medaljet që janë shpërblyer nëpër festival të ndryshme. Fillimet e para për këtë ansambël kanë qenë të vështira, theksuan të pranishmit.

“Kjo ekspozitë e sotshme është një histori që në një mënyrë kur të shikosh duket e thjesht, por sa vuajtje, çfarë kontrolle kemi pasur edhe prej rrethanave tjera se në çfarë mënyre e kultivojmë kulturën shqiptare. Kemi qenë të kufizuar të gjithë repertuaret e këngëve mos t’i këndojmë e as të vallëzojmë, por ne i kemi kënduar. Vellait tim Alushit i thanë edhe këngët t’i përkthejë ne gjuhen maqedonase për kuptimin e tyre”,- tha themeluesi i ansamblit, Rauf Hamiti.

“Një ekspozitë e këso lloji ku prej 1500 fotografive i kemi ndarë 163 fotografi, ku gjithë këta artistë do ta gjejnë veten edhe ai i cili ka qenë pjesë e ansamblit para 40 viteve i kemi ekspozuar edhe kostumet dhe gjithë këto pehare që i kemi fituar brenda dhe jashtë vendit”,- tha kryetari i ansamblit, Kenan Jahja.

“Menjëherë pas mbarimit të 35 vjetorit kemi filluar me angazhimin dhe organizimin e 40 vjetorit. Dhe ne nga sot fillojmë të festojmë 40 vjetorin me ekspozitën tonë”,- u shpreh organizatori, Nazif Bushi.

Ansambli “Ibe Palikuqi” këtë 40 vjetor e përmbyll me 15 nëntor me një akademi solemne në Teatrin Kombëtar. (Tvm2)

Redaksia Flaka
nga Redaksia Flaka Nëntor 5, 2019 19:30

HAPËSIRË E SPONSORIZUAR

Loading...

© FLAKA.COM.MK - Derisa keni vendosur të merrni përmbajtje nga kjo faqe, në tërësi pajtoheni me kushtet e përdorimit.

REKLAMA