Basha i ashpër: Të shfrytëzosh këtë fatkeqësi për të mbyllur portale dhe të kërcënosh gazetarët është kriminale

Basha i ashpër: Të shfrytëzosh këtë fatkeqësi për të mbyllur portale dhe të kërcënosh gazetarët është kriminale

Kryedemokrati Lulzim Basha i kërkon Prokurorisë të nisë menjëherë hetimet pas deklaratave të kryeministrit Edi Rama për gazetarët por edhe pas mbylljes së disa portaleve e faqeve të “Facebook”-ut.

Në një postim në “Twitter” Basha shkruan se të shfrytëzosh këtë fatkeqësi për të mbyllur portale, faqe fb e rrjete të tjera sociale dhe të kërcënosh gazetarët nga mëngjesi në darkë vetëm pse janë kritikë me qeverinë dhe sjellin zërin e qytetarëve të lënë në harresë dhe pa asnjë ndihmë, është kriminale. Ai thekson se me Kushtetutë dhe ligj kjo përbën një krim të rëndë që duhet ndëshkuar.

“Të shfrytëzosh këtë fatkeqësi për të mbyllur portale, faqe fb e rrjete të tjera sociale dhe të kërcënosh gazetarët nga mëngjesi në darkë vetëm pse janë kritikë me qeverinë dhe sjellin zërin e qytetarëve të lënë në harresë dhe pa asnjë ndihmë, është kriminale. Kjo është mënyra për të mbytur zërin e qytetarëve dhe të vërtetës që vjen përmes medias dhe portaleve të ndryshme. Prokuroria duhet të nisë menjëherë hetimet për dhunimin e fjalës së lirë nga qeveria. Me Kushtetutë dhe ligj kjo përbën një krim të rëndë që duhet ndëshkuar”, shkruan Basha.

Basha Twitter

(BalkanWeb)

Redaksia Flaka
nga Redaksia Flaka Dhjetor 2, 2019 21:21

HAPËSIRË E SPONSORIZUAR

Loading...

© FLAKA.COM.MK - Derisa keni vendosur të merrni përmbajtje nga kjo faqe, në tërësi pajtoheni me kushtet e përdorimit.

REKLAMA