Çka thonë analistët politik nga Maqedonia e Veriut për zgjedhjet në Kosovë ?

Çka thonë analistët politik nga Maqedonia e Veriut për zgjedhjet në Kosovë ?

Qytetarët e Kosovës, nga ora 07:00 deri në orën 19:00, do të kenë mundësi për të votuar për të zgjedhur 120 deputetët e Kuvendit të Kosovës. Analistët politik nga Maqedonia e Veriut ndajnë bindjen që zgjedhjet në Kosovë pritet të prodhojnë një qeveri reformuese, shkruan Agjencia e lajmeve Flaka 

Për analsitin politik, Xhelal Neziri, zgjedhjet pritet të prodhojnë një qeveri reformuese, që më shumë do të shohë të ardhmen e Kosovës në strukturat euroatlantike, një qeveri të guximshme për të marrë vendime të mëdha e historike dhe natyrisht një qeveri me një shumicë stabile në Kuvend.

“Qeveria e re me patjetër të ketë legjitimitetin, autoritetin dhe guximin për të përmbyllë kapitullin e fundit të shtetformimit, që është finalizimi i dialogut me Beogradin i cili do të prodhonte njohjen edhe nga ana e Serbisë. Normalizimi i marrëdhënieve midis Serbisë dhe Kosovës pa dyshim se do të sjellë një moment të ri në Ballkanin Perëndimor, i cili më shpejtë do të mund të lëvizë drejt integrimit në strukturat perëndimore”, deklaroi për Agjencinë e Lajmeve Flaka, Neziri. 

Analisti Zudi Xhelili thotë që nga këto zgjedhje priten rezultate të ngushta mes 3 partive me të mëdha në Kosovë.  Sipas tij, pritet që LVV, LDK dhe PDK të jenë në garë të ngusht.

“Kjo radhitje njëkohësisht do të sjellë   ndryshime të medha në formimin e qeverisë së ardhëshme në Kosovë. Besoj që çdo ndryshim do të jetë për të  mirën e të gjithë qytetarëve të Kosovës dhe në të mirën e të gjithë shqiptarëve në përgjithësi”, thotë për Flaka, analisti Xhelili. 

Sipas tij, pasi Kosova është shtet i ri dhe është ballafaquar me probleme të shumta si mbrenda ashtu edhe në skenën ndërkombëtare, sidomos problemi i dialogut me Sërbinë dhe pengesat e shumta që i paraqet Sërbia në antarsimin e Kosovës në disa organizata ndërkombëtare. kjo ka ndikuar që të gjitha qeveritë e deritanishme mos arrinë të mbarojnë mandatin deri ne fund.

“Edhe këto zgjedhje të parakoshme parlamentare janë si rezultat i krizave të vazhdueshme politike në  skenën kosovare. Kosova sot gjithashtu ka krizë të madhe ekonomike, rritje të papunësisë, rritje të varfërisë dhe shumë probleme të tjera që kanë të bëjnë me korrupsionin dhe krimin e organizuar. Në Kosovë gjithashtu kanë  munguar reformat në drejtësi dhe ne funksionimin e shtetit juridik. Partitë politike gjatë fushatës kryekëput i shqirtuan pikërisht këta tema dhe premtuan zgjidhje para votuesve. Besoj që çdo ndryshim do të jetë për të  mirën e të gjithë qytetarëve të Kosovës dhe në të mirën e të gjithë shqiptarëve në përgjithësi”, thotë për Flaka, analisti Xhelili. 

Për zgjedhjet e 6 tetorit, Komisioni Qendror i Zgjedhjeve ka certifikuar 25 subjekte, prej tyre 20 parti politike, katër koalicione dhe një kandidat i pavarur. Të drejtë vote në zgjedhjet e 6 tetorit kanë saktësisht 1 milion e 937 mijë e 869 votues. Në këto zgjedhje janë më shumë se 100 mijë votues të ri. Flaka

 

 

Redaksia Flaka
nga Redaksia Flaka Tetor 6, 2019 14:45

HAPËSIRË E SPONSORIZUAR
Loading...

© FLAKA.COM.MK - Derisa keni vendosur të merrni përmbajtje nga kjo faqe, në tërësi pajtoheni me kushtet e përdorimit.

REKLAMA