Deklarata e Vuçiqit: E duam edhe Kosovën në Mini Shengenin Ballkanik

Deklarata e Vuçiqit: E duam edhe Kosovën në Mini Shengenin Ballkanik

Presidenti i Serbisë, Aleksandër Vuçiq ka ftuar Kosovën, Malin e Zi dhe Bosnje-Hercegovinën në Mini Shengenin Ballkanik, njofton Ora News.

Deklarata e Vuçiq u bë gjatë ditës së sotme (8 nëntor) Forumin e Davosit për Dialogun Strategjik mbi Ballkanin Perëndimor.

“Disa do të thonë që Serbia po e përdor këtë sepse nuk dëshiron ta shohë Prishtinën në atë grup, gjë që nuk është aspak e vërtetë. Është shumë e rëndësishme për ne dhe duam të shohim si Prishtinën, ashtu edhe Podgoricën e Sarajevën në atë iniciativë, por vendimi varet nga ata”, tha Vuçiq, raporton media serbe B92.

Ai i dha vëmendje faktit se ka shumë njerëz në BE që janë kundër idesë sepse ata nuk janë “në avantazh”.

“Por ky nuk është problemi im. Siç e thashë edhe më parë, ne nuk jemi fëmijë, ne duam të kujdesemi për veten. Ne jemi në rrugën tonë për në BE, thoni atë që dëshironi me ne, por duhet të sigurojmë qarkullimin e lirë të mallrave, shërbimeve, kapitalit dhe njerëzve”, përfundoi Vuçiq.

Redaksia Flaka
nga Redaksia Flaka Nëntor 8, 2019 21:01

HAPËSIRË E SPONSORIZUAR

Loading...

© FLAKA.COM.MK - Derisa keni vendosur të merrni përmbajtje nga kjo faqe, në tërësi pajtoheni me kushtet e përdorimit.

REKLAMA