Fiat 500 vjen në version kabrio elektrik dhe pa dyer

Fiat 500 vjen në version kabrio elektrik dhe pa dyer

Kompania që merret me modifikimin e veturave, Garage Italia, së fundmi është marrë me modelin 500 të Fiatit.

Garage Italia, këtë veturë të vogël për qytet e ka shndërruar në version tërësisht elektrik, transmeton Koha.net. Po ashtu, ky projekt i kësaj kompanie me seli në Milan, mban emrin Fiat 500 Jolly Icon-E.

Ky projekt, po ashtu, synon të risjellë dhe të rindërtojë ikonën, domethënë Fiat 500, përmes elektricitetit dhe pamjes së restauruar me qëllim të “festimit të kulturës së veturës”.

Gjithashtu, Fiat 500 Jolly Icon-E vjen në version kabrio dhe në vend të dyerve ka nga një litar, gjë që e bënë të duket edhe më i jashtëzakonshëm. Edhe ulëset e përparme dhe të pasme i ka me dizajn të bërë nga litari.

Garage Italia, po ashtu, thotë se Fiat 500 Jolly Icon-E me vetëm një mbushje të baterisë mund të udhëtojë deri në 120 kilometra dhe se shpejtësinë maksimale mund ta arrijë deri në 85 kilometra në orë.

Redaksia Flaka
nga Redaksia Flaka Qershor 19, 2019 22:59
© FLAKA.COM.MK - Derisa keni vendosur të merrni përmbajtje nga kjo faqe, në tërësi pajtoheni me kushtet e përdorimit.