Gjenden tre persona të vdekur në Maqedoni

Gjenden tre persona të vdekur në Maqedoni

Tre persona të vdekur janë gjetur të martën, njoftoi policia. Ata janë gjetur të vdekur në vende të ndryshme, shkruan Gazeta Lajm.

Personi i parë i vdekur është gjetur në Strugë rreth orës 8 e 40 minuta, te ura e lumit Sateska. Sipas policisë në veturë BMV me targa të Strugës në ulësen e pasme është gjetur i vdekur N.S. 63 vjeçar.

Rasti i dytë është shënuar në Zajaz ku rreth orës 14 policia është njoftuar se në rrugën për fshatin Reçan, në një humnerë është gjetur G.Xh. 58 vjeçar nga Kërçova, kurse vetura e tij Golf është gjetur rreth rrugës.

Të njëjtën ditë rreth orës 18 e 30 minuta është njoftuar policia se në fshatin Rastesh-Makedonski Brod në oborrin e shtëpisë familjare është gjetur i vdekur P.M. 64 vjeçar.

Në të gjitha rastet policia ka kryer hetime, kurse trupat e pajetë janë dorëzuar për obduksion.

Redaksia Flaka
nga Redaksia Flaka Korrik 12, 2018 20:29

Publicitet


Moti sot
26°
21°
Thu
21°
Fri
24°
Sat
26°
Sun

ARKIVI I LAJMEVE