‘Ju puth të gjithëve..’, mesazhi i fundit i gazetares italiane para se të ndërronte jetë

‘Ju puth të gjithëve..’, mesazhi i fundit i gazetares italiane para se të ndërronte jetë

Lajm i trishtë sot për gazetarinë italiane. Ndërroi jetë në moshën 40 vjeçare gazetarja investigative Nadia Toffa.

Karakter i hekurt, profesioniste e paanshme gjithmonë në kërkim të së vërtetës, Nadia Toffa humbi betejën me jetën pas 2 vitesh kundër një sëmundje të pashërueshme, tumore në tru.

Nadia Toffa nisi karrierën e saj si gazetare më vitin 2009 ne një televizion lokal në qytetin e saj në Breshia.

Më pas u bë pjesë e stafit të emisionit investigativ “Le Iene”. ku u dallua për investigimet e saj të sukseshme si mashtrimet e farmacive në dëm të konsumatorëve, trafiku ilegal i plehrave për llogari të mafias puglieze Kamorra, shfrytëzimi i prostitucionit minoren, anoreksia etj.

Debutimi i saj dhe si moderatore televizve vjen më vitin 2016 kur i besohet drejtimi i programmi Open Space, në Mediaset.

Menjëherë pas tij Nadia Toffa bëhet një nga drejtueset e programit Hienat së bashku me moderatorët Piff e Geppi Cucciari.

Gjatë karrierës së saj Nafia Toffa është vlerësuar me Cmimin Luccheta e me Çmimin Ndërkombëtar për gazetarinë në qytetin Iskia.

‘Të lulëzosh në dimër”

Historinë e betejës së saj kundër kancerit gazetarja italiane e rrëfen në librin autobiografik” Të lulëzosh në dimër”.

Ishte dimri i 2017, data 2 dhjetor kur Nadia humbi ndjenjat në një hotel në Trieste ku po punonte për të realizuar investigimin e radhës.

Prej atij momenti nisi kalvari i gjatë i një sëmundje të pashërueshme.

Edhe gjatë ciklit të kimioterapisë Nadia Toffa ishte në kërkim të së vërtetës duke denoncuar çdo mjek sharlatan popullor që bindte të sëmurët per të mos u kuruar në spitale.

“Nuk duhet pasur frikë ta thërrasësh në emer këtë sëmundje, shkruante Nadia – ndoshta ky bastard do trembet duke e parë në fytyrë e drejt në sy.”

“Eshte një sfidë që ndoshta mund të mos e fitoj, por më duhet të luftoj deri në momentin e fundit” shprehej Nadia për emisionin “Verissimo”

Sot në lajmin e hidhur të ndarjes nga jeta kolegë gazetarë, drejtues të Mediaset, e njerëz të thjeshtë përcjellin përmes komentve të tyre dhimbjen e kësaj humbje.

“Ju puth të gjitheve…” shkruan Nadia Toffa në postimin e saj të fundit në instagram, e qeshur dhe e drejtpërdrejtë me fansat e saj me të cilët bashkëbisedon mbi të nxehtit e verës 2019.

“Asgjë për ne nuk do jetë si më parë”, shkruan në rrjetet sociale redaksia e Hienave duke i dhënë lamtumirën një prej gazetarëve më të suksesshëm investigativ.

Redaksia Flaka
nga Redaksia Flaka Gusht 13, 2019 22:52

© FLAKA.COM.MK - Derisa keni vendosur të merrni përmbajtje nga kjo faqe, në tërësi pajtoheni me kushtet e përdorimit.

HAPËSIRË E SPONSORIZUAR

Loading...