Ministria e Bujqësisë: Së shpejti pagesa e dëmeve nga ngricat

Ministria e Bujqësisë: Së shpejti pagesa e dëmeve nga ngricat

Ministria e Bujqësisë, Pylltarisë dhe Ekonomisë së Ujërave arriti ta zhbllokojë procesin e pagesës së dëmeve të krijuara nga ngricat pranverore në vitet 2016 dhe 2017 dhe së shpejti duhet të fillojë pagesa e kërkesave për dëmet, paralajmëroi sot ministri i Bujqësisë, Lupço Nikollovski.

“Propozuam plan veprimi deri te Qeveria me të cilin i ndërmorëm këto lëndë dhe i zhvillojmë sipas Ligjit për bujqësi dhe zhvillim rural dhe ato tashmë janë në procedurë dhe për momentin bëhen vlerësime nga ana e Byrosë së Ekspertizës Ligjore. Më tej do të përpunohen në Agjencinë e Pagesave”,- tha Nikollovski.

Për procedurat e dëmeve të cilat ndodhen nga ngrica pranverore në prill të vitit 2017, ministri theksoi se deri në fund të shtatorit janë përfunduar vlerësimet dhe përpunimi i kërkesave të cilat i bëjnë njësitë rajonale të Ministrisë, ndërsa pastaj 15.800 lëndët iu dorëzuan Byrosë së Ekspertizës Ligjore.

“Para shtatë deri dhjetë ditësh, nga Byroja u informuam se janë kompletuar të gjitha vlerësimet për komunat ku janë konstatuar dëmet nga ngricat e pranverës”,- shpjegoi Nikollovski.

Redaksia Flaka
nga Redaksia Flaka Shkurt 13, 2018 19:06

Publicitet

Moti sot
10°
18°
Sun
19°
Mon
19°
Tue
20°
Wed

ARKIVI I LAJMEVE