Obama mbyll vizitën në Gjermani: Më shumë solidaritet me refugjatët

Obama mbyll vizitën në Gjermani: Më shumë solidaritet me refugjatët

residenti amerikan Barak Obama ka mbyllur viziten e tij dy ditore në Gjermani, duke i dhënë kështu fund edhe turit të tij 6 ditor me aleatët e tij përtej Atlantikut.

Obama u takua me herët me përfaqësuesit e shteteve kryesore europiane, ku ka diskutuar marrëveshjen ekonomike SHBA-BE, luftën kunder terrorizmit, referendumin e Britanisë dhe çështje të tjera të rëndësishme.
Presidenti amerikan Barack Obama i dha fund vizitës dy ditore në Gjermani, e cila përfshiu bisedimet për marrëveshjen tregtare mes SHBA dhe Europës dhe takimin me pjestarë të G5 për të diskutuar në lidhje me shkëmbimin e informacioneve për Sirinë.
Në bisedimet për marrëveshjen tregtare, Obama e shprehu qartë mbështetjen e tij për konkludimin e akordit duke deklaruar se nëse SHBA dhe Bashkimi Europian gjejnë gjuhën e përbashkët atëherë kjo do të sillte rritje të theksuar ekonomike. Presidenti Barak Obama ka zhvilluar një takim me përfaqësuesit e shteteve kryesore europiane gjatë vizitës së tij në Gjermani.
Të pranishëm në këtë mbledhje kanë qënë kancelarja Merkel, Presidenti Hollande si dhe dy kryeministrat Cameron dhe Mateo Renzi. Liderët kanë diskutuar rreth shpërndarjes së informacioneve midis njësive inteligjente ndërkombëtare në kuadër të parandalimit të sulmeve terroriste. Ata folën gjithashtu rreth sulmeve e Brukselit dhe të Parisit, të cilat kanë tronditur mbarë opinionin europian gjatë orëve të fundit.
Edhe në këtë takim, Presidenti Obama ka kërkuar që europianët të qëndrojnë të bashkuar për të mposhtuar ekstremizmin. Gjithashtu, përfaqësuesit kanë diskutuar për një sërë çështjesh me rëndësi, përfshirë krizën e emigrantëve, luftën e Sirisë, referendumin e Britanisë së Madhe, etj.
Mësohet se lideri i Washintonit ka përgëzuar kancelaren Merkel për politikat e saj pro strehimit të azil-kërkuesve, teksa ka bërë thirje për më shumë solidaritet në drejtim të refugjatëve. Një ditë përpara mbërritjes së kreut të shtetit amerikan në Hanover rreth 35 mijë persona zbritën në rrugët e qytetit për të protestuar kundër marrëveshjes.
Vizita e Obamës në Gjermani ishte e fundit e një turi 6 ditor të presidentit ku ai u takua me disa nga aleatët e tij përtej Atlantikut.
Redaksia Flaka
nga Redaksia Flaka Prill 25, 2016 21:28

REKLAMA