“Pylli i Tiranës” në syrin e revistës prestigjioze të arkitekturës

“Pylli i Tiranës” në syrin e revistës prestigjioze të arkitekturës

Ideja e arkitektit Stefano Boeri për një kullë me pyll vertikal në Tiranë ka pasur jehonë në revistën “Dezeen”, ku theksohet se ky arkitekt është i specializuar në ndërtimin e kullave të tilla, pasi më parë i ka realizuar në Milano, Utreht dhe Nanjing.

“E quajtur “Pylli Vertikal i Tiranës”, kulla me fasadë xhami do të ketë bimë të mbjella nëpër ballkonë për të rritur sipërfaqen e gjelbër në qytet dhe për të përmirësuar cilësinë e ajrit. Stefano Boeri thotë se kjo do të krijojë 550 metra katrorë sipërfaqe të gjelbër në Tiranë”, lexohet në artikull.

“Bimët thithin dioksidin e karbonit dhe grimcat e pluhurit që ndosin atmosferën e qyteteve, duke nxjerrë oksigjen dhe duke krijuar mikroklima që janë më të shëndetshme për banorët”, shton artikulli i “Dezeen”.

Drejtoresha e “Stefano Boeri Architetti” shprehet: “Ne kemi punuar në fasadë, duke përmbysur idenë në të cilën fasada kryesore e secilës ndërtesë është më e gjata dhe duke hapur plotësisht anën e shkurtër të këtij Pylli Vertikal drejt qytetit”./TCH

Kulla do të jetë 21 kate e lartë dhe do të ketë105 apartamente. Do të përfshijë gjithashtu katër nivele nëntokësore dhe në katin përdhes do të ketë hapësira për dyqane.

Redaksia Flaka
nga Redaksia Flaka Mars 7, 2019 22:25

HAPËSIRË E SPONSORIZUAR
Loading...

© FLAKA.COM.MK - Derisa keni vendosur të merrni përmbajtje nga kjo faqe, në tërësi pajtoheni me kushtet e përdorimit.

REKLAMA