Reja ndërron mendje, zëvendësuesin e Hysajt e merr nga Finlanda

Reja ndërron mendje, zëvendësuesin e Hysajt e merr nga Finlanda

Dëmtimi i Elseid Hysajt në ndeshjen Torino-Napoli bëri që shkodrani të humbë ndeshjet eliminatore të Kombëtares Shqiptare, duke prishur jo pak planet e trajnerit Edi Reja, që fillimisht vendosi të mos marrë asnjë emër tjetër për ta zëvendësuar.

Megjithatë gjatë ditës së sotme Reja ka ndryshuar mendje, duke thirrur në ekip mbrojtësin Hysen Memolla, që u mungon kuqezinjve prej disa kohësh, për shkak të problemeve që kaloi në kampionatin kroat.

Aktualisht Memolla po luan në kampionatin finlandez me skuadrën e KPV, ku ka shënuar 3 gola në 7 ndeshje, duke treguar një formë mjaft të mirë, ndërsa paraprakisht ishte vendosur edhe në listën e rezervave nga trajneri Edi Reja.

Futbollisti 27-vjeçar luan në krahun e majtë, por mund të përshtatet edhe në të djathtë, ndërsa tani do të ketë mundësi të bindë trajnerin Reja në seancat stërvitore, për të fituar një vend në formacion.

Redaksia Flaka
nga Redaksia Flaka Tetor 8, 2019 20:00

HAPËSIRË E SPONSORIZUAR

Loading...

© FLAKA.COM.MK - Derisa keni vendosur të merrni përmbajtje nga kjo faqe, në tërësi pajtoheni me kushtet e përdorimit.

REKLAMA