Rusia raporton për një incident me aeroplanët e NATO-s

Rusia raporton për një incident me aeroplanët e NATO-s

Ministria e Mbrojtjes së Rusisë pretendon se e ka detyruar të largohet një aeroplan F-18 të NATO-s, mbi ujërat ndërkombëtare, pasi iu afrua një aeroplani ku ndodhej ministri rus i Mbrojtjes, Sergei Shoigu.

Agjensia e lajmeve TASS, më 13 gusht, raportoi se aeroplani i Shoigut po fluturonte nga Kaliningradi për në Moskë kur ndodhi incidenti.

NATO-ja nuk i ka komentuar pretendimet ruse.

Mediat ruse patën raportuar për një incident të ngjashëm edhe në vitin 2017, mirëpo NATO-ja e pati mohuar, duke thënë se kishte gjurmuar një flotë të aeroplanëve, që nuk kishin arritur të identifikohen.

Përplasjet midis Rusisë dhe SHBA-së, janë rritur përdërisa Moska kërkon të demonstrojë fuqinë e saj ushtarake.

Incidente të tilla kanë përshkallëzuar raportet mes Rusisë me Perëndimin, të cilat janë të tensionuara ashpër që nga aneksimi i Krimesë nga ana e Rusisë, dhe mbështetja e saj për separatistët në lindje të Ukrainës, si dhe ndërhyrja e saj e dyshuar në zgjedhjet e SHBA më 2016.

Redaksia Flaka
nga Redaksia Flaka 13 Gusht, 2019 21:48

HAPËSIRË E SPONSORIZUAR

Loading...

© FLAKA.COM.MK - Derisa keni vendosur të merrni përmbajtje nga kjo faqe, në tërësi pajtoheni me kushtet e përdorimit.