SHBA: Mbështetje për anëtarësimin e Kosovës në çdo organizatë

SHBA: Mbështetje për anëtarësimin e Kosovës në çdo organizatë

Ambasadorja e Shteteve të Bashkuara të Amerikës në OKB, Nikki Haley, edhe një herë e rikonfirmoi mbështetjen e shtetit të saj për Kosovën.

Në mbledhjen e Këshillit të Sigurimit për Kosovën, Haley tha se Kosova ka përparuar mjaft që nga shpallja e pavarësisë, ndërsa i bëri thirrje Beogradit të përmirësojë marrëdhëniet me Prishtinën.

“Ne e përkrahim fuqishëm Kosovën në anëtarësimin në të gjitha organizatat ndërkombëtare, përfshirë edhe Organizatën e Kombeve të Bashkuara”, deklaroi Haley.

Në mbledhje ishte e pranishme ambasadorja e Kosovës në SHBA, Vlora Çitaku, e cila gjatë fjalës së saj tha se normalizimi i marrëdhënieve me Serbinë do të ndodhë vetëm kur Beogradi të njohë pavarësinë e Kosovës. Kjo e fundit, theksoi Çitaku, është e pakthyeshme.

Në krahun tjetër të llogores diplomatike, ministri i Jashtëm i Serbisë, Ivica Daçiç, shfrytëzoi fjalën e tij në Këshill për të kritikuar Kosovën që nuk po përmbush detyrimet e Marrëveshjes së Brukselit.

Top Channel

Redaksia Flaka
nga Redaksia Flaka Shkurt 7, 2018 22:40
Loading...

REKLAMA

PARTNER

Maqedoni
20°
14°
Sat
12°
Sun
7°
Mon

ARKIVI I LAJMEVE