За прв пат ЕК предлага укинување на ЕУ фондовите за земја членка на ЕУ

Redaksia
Publikuar nga Redaksia 24 Shtator, 2022 20:31

За прв пат ЕК предлага укинување на ЕУ фондовите за земја членка на ЕУ

За прв пат Европската Комисија предложи да се замрзнат исплатите за една земја членка, во случајов Унгарија, поради нарушување на владеењето на правото и наводи за корупција. Сега е на земјите членки да одлучат.

Европската Комисија сака да задржи 7,5 милијарди евра исплати за Унгарија поради наводи за корупција и нарушување на владеењето на правото, изјави еврокомесарот за Буџет, Јоханес Хан на 18 септември.

-ДЕНЕШНАТА ОДЛУКА Е ЈАСЕН ДОКАЗ НА РЕШИТЕЛНОСТА НА КОМИСИЈАТА ДА ГО ЗАШТИТИ БУЏЕТОТ НА ЕУ И ДА ГИ УПОТРЕБИ СИТЕ РАСПОЛОЖЛИВИ АЛАТКИ ЗА ДА СЕ ОСИГУРИ ОВАА ВАЖНА ЦЕЛ, РЕЧЕ ХАН.

Различни тела на ЕУ го обвинија Виктор Орбан дека ја нарушува демократијата во Унгарија и дека замижува пред сеприсутна корупција, како и дека не го почитува владеењето на правото. Ова е прв пат Комисијата да се обиде да преземе чекор кон кратење на фондови поради загриженост за проблеми со владеењето на правото во една земја членка. Претседателката на Европската Комисија, Урсула фон дер Лајен, го започна процесот на ограничување на фондовите во април годинава користејќи еден механизам за владеењето на правото – познат како механизам на условеност – кој беше имплементиран во 2021 за да се осигури почитувањето на општите принципи на ЕУ од страна на нејзините земји членки. Клучен услов за вклучување на механизмот е увереноста дека фондовите на ЕУ се предмет на злоупотреба.

Унгарија покажа до некаде волја да се справи со проблемот, вклучително преку најавата за независно тело за мониторинг врз користењето на фондовите. Будимпешта би можела да го избегне замрзнувањето на фондовите ако ги елиминира причините кои го активираат механизмот пред да истече рокот. Европската Комисија рече дека ова би можело да функционира, но мора да биде соодветно спроведено. Замрзнувањето на фондовите мора сега да биде одобрено во рок од еден месец со квалификувано мнозинство на земјите членки. Меѓутоа, ако така одлучат, земјите членки можат да го продолжат рокот за дополнителни два месеци. За да се блокираат фондовите потребно е мнозинство од 15 земји членки на ЕУ кои претставуваат 65 отсто од населението на ЕУ.

Како реагираат земјите членки на ЕУ?

Полска ја поддржува Унгарија

Варшава увери на 18 септември дека ќе се противи на било каков чекор на Брисел да задржи 7,5 милијарди евра од европските фондови за Унгарија.

-ПОЛСКА СИЛНО ЌЕ СЕ СПРОТИВСТАВИ НА БИЛО КОЈ ЧЕКОР НА ЕВРОПСКИТЕ ИНСТИТУЦИИ ДА И ОДЗЕМАТ НА ЗЕМЈА ЧЛЕНКА, ВО СЛУЧАЈОВ УНГАРИЈА, ФОНДОВИ НА АПСОЛУТНО НЕАВТОРИЗИРАН НАЧИН, ИЗЈАВИ ПОЛСКИОТ ПРЕМИЕР, МАТЕУШ МОРАВИЕЦКИ ЗА МЕДИУМИТЕ.

Шефот на полската националистичка-популистичка влада, која е исто во конфликт со Брисел, кој пак го обвинува дека не го почитува владеењето на правото, потсети дека неговиот унгарски колега, Виктор Орбан, веќе презентирал “план за договор со Европската Комисија.“

Унгарија игра улога во италијанската изборна кампања

За италијанската лидерка на екстремната десница, Џорџија Мелони, која се очекува да однесе победа на 25 септември на генералните избори во Италија, постои спор во однос на суверенитетот, кој подоцна или порано ќе мора да се стави на маса.

-ЕВРОПСКИТЕ ОДЛУЧУВАЧКИ ТЕЛА СЕ ВЛАДЕЈАЧКИ ТЕЛА, ОБЈАСНИ ТАА НА 18 СЕПТЕМВРИ, НИЕ ВЕЛИМЕ ДЕКА СУВЕРЕНИТЕТОТ МУ ПРИПАЃА НА НАРОДОТ И СЕ МАНИФЕСТИРА ПРЕКУ ПАРЛАМЕНТАРНИТЕ ИЗБОРИ, ОВА Е ДЕБАТА КОЈА ЌЕ МОРА ДА ЈА ВОДИМЕ КУЛТУРНО, И ТОА НЕ ЗНАЧИ НАПУШТАЊЕ НА ЕУ, ТУКУ ДАВАЊЕ КОРЕКТИВ.

Мелони понатаму разјасни дека “Орбан ќе ги направи своите избори, но јас не го правам тоа што Орбан го кажува, јас го имам италијанскиот национален интерес на ум“. Но, додаде, “не се согласувам со тоа што ЕУ го прави во Унгарија. Се наоѓаме во сред војна против Западот. Не сме заинтересирани да ја делиме Европа, туку да ја обединиме посилно против нејзините непријатели. На собранието на ОН Унгарија не гласаше со Русија, туку со Европа. И Полска е на фронтот на судир со Русија и прима бегалци од Украина“.

Мелони ја води кампањата како дел од десничарската коалиција која го вклучува лидерот на партијата на крајната десница “Лига“, Матео Салвини, и Силвио Берлускони од Форца Италија. Последните анкети објавени пред изборниот молк покажуваат дека сојузот е на пат да земе 46 отсто од гласовите, далеку пред своите ривали.

Лидерот на Демократската Партија (ПД), Енрико Лета, остро се дистанцираше од центар-десниот сојуз.

-НЕ САКАМЕ ИТАЛИЈА КОЈА СЕ ВРЗУВА ЗА УНГАРИЈА КАКО ШТО САЛВИНИ ДЕНЕСКА ПРЕДЛОЖИ ДА СТОРИ, РЕЧЕ ТОЈ. НЕ САКАМЕ ИТАЛИЈА КОЈА ИМ НАМИГНУВА НА ОРБАН И ПУТИН, САКАМЕ ИТАЛИЈА КОЈА Е ВО СРЦЕТО НА ЕВРОПА И Е ВЕРНА НА СВОИТЕ СОЈУЗИ.

Словачка и Хрватска претпочитаат договор

Европската Комисија делува како што ќе се договорат земјите членки на ЕУ кога го одобрува буџетот на ЕУ на седум години, изјави словачкиот премиер, Едуард Хегер за предлогот на Комисијата. Хегер истакна дека, кога се одобруваше буџетот на ЕУ, условеноста за владеењето на правото се усвои за да се помогне во борбата против злоупотреба на фондовите на ЕУ во земјите членки.

-ОВА Е СЕПАК ДОЛГОРОЧЕН ПРИОРИТЕТ ЗА МОЈАТА ВЛАДА. СЛОВАЧКА МНОГУ ДОБРО ЗНАЕ ОД СВОЕТО ИСКУСТВО ОД ДЕНОВИТЕ НА ПРЕТХОДНАТА ВЛАДА ШТО ЗНАЧИ ДА СЕ КРАДАТ ЕУ ФОНДОВИ, РЕЧЕ ТОЈ.

Тој исто така нагласи дека комуникацијата меѓу Унгарија и Европската Комисија за пакетот мерки кои Унгарија е подготвена да ги преземе за да ги зајакне структурите за заштита на фондовите на ЕУ е многу интензивна во моментов. Следствено, нема потреба да се суспендира делот на фондовите за Унгарија, ова се разбира е сценариото кое го претпочитаме, рече тој.

Според него, врз предлогот не може да се стави вето. Хегер потсети дека квалификувано мнозинство на земји членки на ЕУ ќе одлучи за финалната верзија на предлогот откако ќе истече рокот од еден месец. Словачка е подготвена да поддржи продолжување на рокот за уште два месеца за да и се остави на Унгарија време да преговара, рече Хегер.

Хрватска ги поддржува сите механизми за заштита на владеењето на правото, вклучително и условеноста, рече Андреја Метелко-Згомбиќ, државната секретарка за Европа на Хрватска во Брисел каде се наоѓаше за Советот за општи работи на 20 септември.

Таа би сакала Брисел и Будимпешта да го решат спорот преку договор. Будимпешта би можела да избегне санкции ако ги елиминира причините за предлогот навремено.

-ЗАДОВОЛНИ БЕВМЕ ШТО СЛУШНАВМЕ ДЕКА КОМИСИЈАТА И УНГАРИЈА СЕ ДОГОВОРИЛЕ ЗА ВРЕМЕНСКИ РОК ЗА СПРАВУВАЊЕ СО ПРАШАЊЕТО, ШТО БИ ТРАЕЛО НАЈВЕЌЕ ДВА МЕСЕЦИ, И ИМА ПРОСТОР ЗА ДОГОВОР. САКАМЕ ОВИЕ ПРЕВЕНТИВНИ МЕХАНИЗМИ ДА ФУНКЦИОНИРААТ И ДА ЈА ПОСТИГНАТ НИВНАТА ЦЕЛ, ИЗЈАВИ МЕТЕЛКО-ЗГОМБИЌ.

Романскиот претседатело Јоханис: “Секоја драстична мерка мора да биде добро дискутирана и основана“

Во однос на предлогот “перспективата на Романија е дека секоја драстична мерка мора добро да се дискутира и да биде основана“, изјави романскиот претседател, Клаус Јоханис, на 20 септември.

-МОЈАТА НАДЕЖ Е ДЕКА ЌЕ СЕ НАЈДАТ КАНАЛИ НА КОМУНИКАЦИЈА И РЕШЕНИЈА ЗА ОВИЕ ПРОБЛЕМИ МЕЃУ БРИСЕЛ И БУДИМПЕШТА, ЗАТОА ШТО ВО СПРОТИВНИ ФРОНТОВИТЕ СЕ ЗАЦВРСТУВААТ, НЕСОГЛАСНОСТА СЕ ЗГОЛЕМУВА, И НЕ МИСЛАМ ДЕКА БИЛО КОЈ САКА НОВИ КРИЗИ ДА СЕ СЛУЧАТ ВНАТРЕ ВО ЕУ, ТОА ЕДНОСТАВНО НЕ МОЖЕ ДА ДОНЕСЕ НИШТО ДОБРО. СЕ НАДЕВАМ ДЕКА ЌЕ ПРОДОЛЖИМЕ НА ПАТОТ НА ДИЈАЛОГОТ ЗА ОВА ПРАШАЊЕ ИСТО ТАКА, ИЗЈАВИ ЈОХАНИС ОД ЊУЈОРК.

Австрија не сака компромиси за владеењето на правото

Австриската министерка за европски прашања, Каролин Етстатлер (Австриска Народна Партија) смета дека треба да се почека и да се види како ќе се одвиваат работите по предлогот на Европската Комисија. Будимпешта веќе презентираше реформски чекори и план, рече Етстатлер на 20 септември по средбата со нејзините ЕУ колеги во Брисел.

-СЕГА, РЕЧЕ ТАА, Е ПРАШАЊЕ КАКО ЧЕШКОТО ПРЕТСЕДАТЕЛСТВО ЌЕ СЕ СПРАВИ СО ИДЕЈАТА НА КОМИСИЈАТА. ОНА ШТО Е ВАЖНО ЗА МЕНЕ Е ДА НЕМА КОМПРОМИС ОКОЛУ ВЛАДЕЕЊЕТО НА ПРАВОТО. ПОСТОИ ЈАСНА ПРОЦЕДУРА, РЕЧЕ ТАА И ДОДАДЕ ДЕКА СЕКОЈ ТРЕБА ДА ДОБИЕ ШАНСА ДА ГИ ПРЕЗЕНТИРА СВОИТЕ ИДЕИ И КОНЦЕПТИ ВО ОВАА ПРОЦЕДУРА И ДА СЕ ВРАТИ НА ПАТОТ НА ВЛАДЕЕЊЕТО НА ПРАВОТО.

За време на состанокот таа рече дека ќе оствари средба со унгарската министерка за правда, Јудит Варга.

А што вели Унгарија?

-ЛЕТОТО БЕШЕ МНОГУ КОНСТРУКТИВНО И ПЕРИОД НАСОЧЕН КОН РЕШЕНИЈА, ЗАТОА УНГАРИЈА ПРЕДЛОЖИ 17 МЕРКИ КОИ МОЖАТ ДА БИДАТ ЛЕК ЗА ЗАГРИЖЕНОСТА ОКОЛУ ПРОЦЕДУРАТА НА УСЛОВЕНОСТ, И ОВА БЕШЕ ИСТО ТАКА ОДОБРЕНО ОД СТРАНА НА ЕВРОПСКАТА КОМИСИЈА ВО НЕДЕЛАТА, РЕЧЕ УНГАРСКАТА МИНИСТЕРКА ЗА ПРАВДА, ЈУДИТ ВАРГА, НА 20 СЕПТЕМВРИ ВО БРИСЕЛ.

Таа додаде дека “Унгарија е целосно посветена кон имплементација на овие мерки“.

Варга изјави дека Унгарија треба да има време до средината на ноември, бидејќи земјата треба да “воспостави нови институции, за тоа треба да вработите нов персонал“.

Таа исто таа нагласи дека е потребно законодавство и побара од другите земји членки да бидат толерантни, позитивни и конструктивни. Седумнаесетте унгарски предлози пред сѐ се фокусираат на контрола врз тендерите и употребата на ЕУ фондовите, вклучително и креирање на независен авторитет кој ќе врши надзор врз применувањето на правилата за употреба на парите од ЕУ.

Унгарија исто така ќе го намали обемот на тендери со само еден кандидат, а владата вети дека ќе го олесни учеството на малите и средни претпријатија во тендерите, и дека ќе соработува потесно со ОЛАФ, телото на ЕУ против измами.

На 20 септември, предложеното законодавство за справување со некои од наводите на ЕУ за корупција беше претставено пред унгарските пратеници.

Предложената мерка би воспоставила контрола врз активноста на политичари кои имаат седиште во одбори на фондации и би изискувало од унгарските официјални лица да соработуваат пошироко со ОЛАФ.

Новите предлози без првично најавени на сајтот на унгарскиот парламент доцна на 19 септември. Владата на премиерот Виктор Орбан најави дека ново законодавство ќе биде предложено на 23 септември.

Redaksia
Publikuar nga Redaksia 24 Shtator, 2022 20:31

Marketing Politik - Çmimore

Presidenciale | Parlamentare