Министерот Сали ги повика докторите Даниловски, Пановски и Марковски да станат членови на Комисија за заразни болести

Redaksia
Publikuar nga Redaksia 30 Janar, 2022 22:44

Министерот Сали ги повика докторите Даниловски, Пановски и Марковски да станат членови на Комисија за заразни болести

Министерот за здравство Беким Сали преку објава на Фејсбук најави дека наскоро ќе формира нова Комисија за заразни болести и ги повика универзитетските професори Драган Даниловски, Никола Пановски и Вело Марковски да се приклучат како нејзини членови.

– Според најавите, а во согласност со законските надлежности, како министер за здравство на Република Северна Македонија наскоро ќе ја формирам Комисијата за заразни болести. Таа е советодавен орган во чиј состав се истакнати експерти кои преку научни толкувања ќе ни овозможат ефикасно, навремено и ажурно да предлагаме мерки во согласност со епидемиолошката состојба, наведува министерот Сали во објавата.

Тој потенцира дека непобитен факт е оти сегашните околности бараат засилено и координирано дејствување, врз основа на стручни и реалистични проценки.

– Оттука, како министер најавував дека промените во ова тело ќе бидат во насока на проширување и дополнување на неговиот состав, со нови, професионални, кадри од повеќе области. Заради ефективност и успешност на овој процес, би сакал јавно да ги поканам и угледните професори д-р Драган Даниловски, д-р Никола Пановски и д-р Вело Марковски да се приклучат како членови на Комисија за заразни болести и со тоа да придонесат во нејзината работа, додава Сали.

Министерот за здравство потенцира дека му е чест и задоволство јавно да го упата повикот до овие експерти врз основа на внимателното следење на јавната дебата околу нивното можно вклучување во Комисијата за заразни болести.

– Гласот на науката е клучен во борбата против Ковид-19. Да го искористиме на најдобриот начин! Доколку од какви било причини не се во можност да бидат дел од Комисијата за заразни болести, им упатувам отворена покана да бидат дел од мојот тим на советници, додава министерот Сали во објавата на Фејсбук.

Redaksia
Publikuar nga Redaksia 30 Janar, 2022 22:44

Marketing Politik - Çmimore

Presidenciale | Parlamentare