1 vit nga vdekja e gazetarit Muharem Idrizit

1 vit nga vdekja e gazetarit Muharem Idrizit

Shkruan: Abdulla Memeti

Në njëvjetorin e shuarjes së shokut dhe mikut tonë, gazetarit dhe veprimtarit Muharem Idrizi (Shkaba) nga Tetova

Një vit më parë, në moshën 73 vjeçare u shua papritmas Muharem Idrizi, gazetari dhe veprimtari i dalluar nga Tetova, njëri nga gazetarët e mëhershëm të Radiotelevizionit të Prishtinës.

Punën e tij e nisi në arsim. Një kohë ishte drejtor i Shkollës fillore në Shipkovicë të Tetovës, më vonë për shkak të represionit dhe përndjekjeve politike nga ish regjimi komunist jugosllav në Maqedoni u detyruar të largohet në Prishtinë, ku një kohë të gjatë punoi në Radiotelevizionin e Prishtinës, deri në mbylljen e tij me masat e dhunshme të regjimit okupator serb.

Pas vitit 1990 një kohë të gjatë ka qenë redaktor në TV Art, në Tetovë, ndërsa pak kohë para pensionimit punoi edhe në Komunën e Tetovës.

Muharem Idrizi ka qenë njëri nga themeluesit e forumit Forcat e Bashkuara Kombëtare, me seli në Tetovë, ndërsa një kontribut të jashtëzakonshëm ka dhënë përmes TV Art – Tetovë me xhirimin dhe dokumentimin e ngjarjeve më të rëndësishme për themelimin e Universitetit të Tetovës.

Do ta përkujtojmë gjithmonë njeriun me zemër të madhe, shokun dhe mikun tonë të paharruar, Muharem Idrizi!

Redaksia Flaka
nga Redaksia Flaka Tetor 10, 2019 12:36

HAPËSIRË E SPONSORIZUAR
Loading...

© FLAKA.COM.MK - Derisa keni vendosur të merrni përmbajtje nga kjo faqe, në tërësi pajtoheni me kushtet e përdorimit.

REKLAMA