Atentatori i kryetarit të Haraçinës vazhdon të shëtitet i lirë

Botuar nga Driton Zenku 5 Prill, 2024 16:34

Autori i sulmit të armatosur në Haraçinë vazhdon të shëtitet i lirë. Ministri i Punëve të Brendshme nuk shpalosi informacione shtesë lidhur me njërin nga personat që dyshohej se kishin lidhje me këtë rast. Ai nuk precizoi nëse ky person ishte ose jo i përfshirë, tha se do të ketë njoftime shtesë, por informoi se i njejti aktualisht është në liri.

“Lidhur me personin e dytë do të duhet në mënyrë shtesë të informohem saktë që në mënyrë shtesë të ju jap informacion të saktë që nuk do të ishte jashtë asaj që është e lejuar që të thuhet në opinion….

Personi i dyshuar a është akoma në polici ose është lënë i lirë?

Domethënë akoma nuk dihet nëse ka lidhje ose jo, por ku ndodhet ?

Është liruar“, tha Pançe Toshkovski, Ministër I Punëve të Brendshme.

Dy ditë më parë Toshkovski njoftoi se në ditën e sulmit ishin arrestuar dhe një person tjetër, por më pas ai është larguar nga lista e të dyshuarve, dhe ndaj tij po veprohet për një tjetër vepër për të cilën kishte fletarrestim ndërkombëtar.

Kujtojmë se të hënën kreu i komunës Ridvan Ibrahimi, ishte cak i një sulmi të armatosur. Gjatë një aktiviteti të komunës në rrugën kryesore që lidh Shkupin dhe Kumanovën, një person i armatosur, ndaloi automjetin e tij në afërsi të vendit ku po zhvilloheshin aktivitete dhe me kallashnikov qëlloi drejt Ibrahimit. Gjatë këtij sulmi Ibrahimi nuk morri plagë, por në vend të tij u plagosën shoferi I tij dhe një nëpunës I komunës.

Botuar nga Driton Zenku 5 Prill, 2024 16:34

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.