Linjat telefonike janë të hapura: Raportoni shkelje të së drejtës suaj të votës

Qytetarët do të mund të denoncojnë të gjitha parregullsitë gjatë periudhës parazgjedhore si dhe në ditët e caktuara për votim, 24 prill dhe 8 maj të këtij viti, përcjell FLAKA.

Zyra e Avokatit të Popullit njofton se nga dita e nisjes së fushatës për zgjedhjet presidenciale deri më 8 maj 2024, kur do të mbahet raundi i dytë i zgjedhjeve presidenciale 2024 dhe zgjedhjeve parlamentare 2024, qytetarët do të mund të denoncojnë çdo shkelje të së drejtës së votës në linjën telefonike pa pagesë 0800 54321.

Linja telefonike do të funksionojë çdo ditë pune nga ora 8:00 deri në orën 16:00 dhe do të ndërhyjë menjëherë pas raportimit të qytetarëve.

Avokati i Popullit, për të mbrojtur të drejtat e votës së qytetarëve, do të marrë masa urgjente për veprim efektiv nga organet kompetente të përfshira në procesin zgjedhor, por edhe nga institucionet e tjera që janë të detyruara të sigurojnë mbrojtjen dhe realizimin e të drejtave të garantuara të qytetarët, thuhet në njoftim. FLAKA