RMV, Probleme me gazifikimin

Botuar nga Driton Zenku 5 Prill, 2024 20:26

A është e mundur të zbatohet shpejt gazifikimi në vend? Ministri i Transportit dhe Lidhjeve, Bllagoj Boçvarski sot nga Shtipi theksoi se ministria përkatëse është në pritje të dokumentacionit të plotë për gazsjellësit, të cilët janë gati për të vënë në përdorim në një pjesë të gazsjellësit, përcjell FLAKA.

Boçvarski pohon se deri më sot nuk është pranuar asnjë kërkesë për lirimin e asnjë prej segmenteve të gazsjellësit nga Shtipi në Manastir dhe nga Shkupi në Gostivar.

Boçvarski theksoi se janë realizuar projekte kapitale në sferën e gazifikimit, përkatësisht tubacionet kryesore të gazit në gjatësi prej 210 kilometrash dhe është duke u bërë përzgjedhja e kompanisë që do të ndërtojë interkonektorin e gazit me Greqinë. Megjithatë, në raportin e fundit dhe më të fundit të auditimit, thuhet se gazifikimi i ngadaltë është rrezik për shpenzime jo racionale të fondeve publike, si dhe se janë evidentuar dobësi në monitorimin e zbatimit të kontratave të ndërtimit.

“Arsyet e kësaj situate janë dobësitë në regjistrimin e të drejtës së pronësisë së objekteve të infrastrukturës së linjës, por edhe zgjidhja e ngadaltë e rasteve të shpronësimeve për të cilat janë paguar afërsisht 2 milionë euro në periudhën 2018-2022”, thuhet në analizën e shtetit për rishikime.

Se ka pasur një shpronësim të vonuar dhe probleme me zgjidhjen e procedurave pronësore-ligjore e konfirmon edhe kreu i Burimeve Kombëtare të Energjisë, Bajram Rexhepi, i cili tregon për TV 24 se përdorimi masiv i gazit natyror nga familjet do të varet nga zhvillimi i rrjetit të shpërndarjes nëpër komuna, dhe planifikohet të jetë partneritet publik-privat.

Ndryshe, edhe pas 13 vitesh vendi është ende pa gazifikim, për çka deri më tani janë shpenzuar qindra milionë euro. FLAKA

BURIMI: TV 24

Botuar nga Driton Zenku 5 Prill, 2024 20:26

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.