Siljanovska-Davkova paralajmëroi se nga pozita e presidentes do t’i falë të dënuarit nga 27 prilli

Driton Zenku
Botuar nga Driton Zenku 5 Prill, 2024 21:22

Siljanovska-Davkova paralajmëroi se nga pozita e presidentes do t’i falë të dënuarit nga 27 prilli

“Jam prekur tmerrësisht nga fati i Jane Çentos. A ka mundësi që fati i gjyshit të tij të përsëritet në shekullin 21, në Maqedoninë moderne”, tha në këtë drejtim kandidatja për presidente e VMRO-DPMNE-së, përcjell FLAKA.

Në emër të drejtësisë, etikës dhe moralit, presidentit të shtetit ndonjëherë i duhet të guxojë dhe të arrijë tek frena që quhet falje. Do ta bëj dhe e përmend shpesh, sidomos kur kam parasysh të pandehurit e 27 prillit.

Kështu në ditën e dytë të fushatës zgjedhore për raundin e parë të zgjedhjeve presidenciale, nga tubimi i sonte në Strugë, ka deklaruar kandidatja e mbështetur nga VMRO-DPMNE, Gordana Siljanovska-Davkova, duke bërë të ditur se nëse bëhet presidente e vend, ajo do t’i falë të dënuarit deri më 27 prill.

“Për ju qytetarët, kur gjendeni në gjykatë pa arsyetim, përballë drejtësisë, d.m.th padrejtësisë, për ju është shumë e rëndësishme nëse ka një shans për një frenim që quhet falje. Po falja nuk është e rastësishme, ajo ka një traditë të gjatë historike. Është përdorur nga mbretër, mbretëresha, presidentë, por tek ne nuk mendoj se është përdorur kur duhet ose është keqpërdorur kur nuk duhet. Është e nevojshme që në emër të drejtësisë, etikës, moralit, presidenti ndonjëherë të guxojë dhe të arrijë një frenim në raport me gjykatën. Do ta bëj dhe e përmend shpesh, sidomos kur kam parasysh të pandehurit e 27 prillit. Jam prekur tmerrësisht nga fati i Jane Çentos. A ka mundësi që fati i gjyshit të tij të përsëritet në shekullin XXI, në Maqedoninë moderne? Imagjinoni të akuzoheni për organizim të një kërcënimi terrorist ose për përmbysje të rendit kushtetues të Maqedonisë. Do të kishim ndjerë pasojat edhe sot e kësaj dite nëse do të kishte një kërcënim të tillë”, tha në lidhje me këtë Siljanovska-Davkova.

Duke folur për gjyqësorin në vend, kandidatja për presidente e mbështetur nga VMRO-DPMNE-ja i është referuar edhe Këshillit Gjyqësor, i cili si organ i pavarur gjyqësor duhet t’i kushtojë rëndësi cilësisë së punës së gjyqtarëve. Ai tha se Këshilli Gjyqësor është më shumë politik dhe partiak se sa organ i pavarur.

“A ju kujtohet se me kë ishin lidhur të gjitha skandalet në këtë organ? Për kryetar, për nënkryetar, i pari ishte anëtar i komisionit të LSDM-së, ndërsa i dyti ishte gjithashtu anëtar i BDI-së. Në vend të teatrit të absurdit, në vend që qytetarët të kenë frikë nga i ashtuquajturi Këshilli Gjyqësor, nëse dy përfaqësuesit kryesor do të ishin në krye në profesionin e avokatisë, në etikën juridike, atëherë njerëzit do ta perceptonin gjykatën si mbrojtës i lirive dhe të drejtave të tyre”, shtoi Siljanovska-Davkova.

Në këtë drejtim, ajo tha se përfaqësuesit në Këshillin Gjyqësor që ajo si presidente e vendit i propozon në këtë organ, do të jenë juristë të lartë dhe siç shtoi ajo, personifikimi i ligjit dhe drejtësisë, jo bindja partiake dhe politike. Siç tha, dy gjyqtarët e emëruar nga kreu i shtetit mes gjyqtarëve kushtetues duhet të kenë të njëjtat kualifikime.

“Duhet të jenë majat në profesionin e juristit, të kenë reputacionin, të rrezatojnë dinjitet dhe dije. Atëherë Maqedonia do të krenohet me Gjykatën Kushtetuese, e cila në shumë vende është një nga faktorët më të rëndësishëm të demokratizimit të sistemit politik”, tha kandidatja për presidente e vendit i mbështetur nga VMRO-DPMNE në tubimin sonte në Strugë. FLAKA

Driton Zenku
Botuar nga Driton Zenku 5 Prill, 2024 21:22