Tuchel do të shkarkohet menjëherë nëse Bayerni humbet ndaj Arsenalit – bavarezët kanë gati trajnerin e ri

Botuar nga Driton Zenku 8 Prill, 2024 19:55

E përditshmja gjermane Abendzeitung ka raportuar se në rast se Bayern Munichu mposhtet nga Arsenalit, atëherë trajneri Thomas Tuchel do të shkarkohet nga pozita e tij dhe Miroslav Klose do të emërohet si trajner i përkohshëm.

Pas humbjes me rezultat 3-2 ndaj Heidenheimit, gjërat kanë marrë statusin e krizës tek Bayerni.

Me këtë humbje, në pesë ndeshjet e tyre të fundit në elitën e futbollit gjerman, Bayerni ka fituar vetëm tri herë ndaj RB Leipzig falë golit të Harry Kane si dhe ndaj dy ekipeve që po luftojnë për mbijetesë Mainz dhe Darmstadt.

Kjo seri e rezultateve e ka lejuar Bayer Leverkusenin që të krijojë një epërsi prej 16 pikësh në krye të tabelës, që do të thotë se Liga e Kampionëve është objektivi i vetëm i mbetur për Bayernin këtë sezon.

Sidoqoftë, ata do të përballen me liderin e Ligës Premier, Arsenal nesër (e martë) dhe një humbje në ‘Emirates’ mund ta vendosë në rrezik kualifikimin e tyre në gjysmëfinale.

Ka një mundësi reale që ish-legjenda e klubit, Miroslav Klose, të marrë drejtimin e Bayernit si trajner i përkohshëm për pjesën e mbetur të sezonit me Hermann Gerland si asistentin e tij.

Klose i cili është golashënuesi më i mirë i të gjitha kohërave i Gjermanisë, ka drejtuar më herët grupmoshat U17 të Bayernit si dhe ka shërbyer si asistent i klubit.

Botuar nga Driton Zenku 8 Prill, 2024 19:55

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.