Integrimi evropian dhe politika e jashtme në fokusin e fushatës së kandidatëve për president

Botuar nga Driton Zenku 9 Prill, 2024 17:52

Pas gjashtë ditëve të fushatës zgjedhore për zgjedhjet presidenciale, integrimi evropian dhe politika e jashtme janë pjesë e temave kryesore në prezantimet e kandidatëve. Ata që mbështeten nga partitë në pushtet premtojnë ndryshime kushtetuese dhe hapje të kapitujve negociues. Një pjesë e kandidatëve të opozitës, nga ana tjetër, paralajmërojnë ndryshime kushtetuese me zbatim të prolonguar, ndërsa të tjerë thonë se nuk do të mbështesin ndryshimet kushtetuese. Megjithatë, disa ekspertë thonë se kandidatët për president nuk i përmbahen kompetencave të tyre në politikën e jashtme.

“Mendoj se kandidatët për president shkojnë shumë përtej kompetencave të tyre, sidomos në krijimin e politikës së jashtme dhe bëjnë premtime që realisht nuk janë të realizueshme, sepse nuk janë në kompetencën e tyre. Ato ndërhyjnë në kompetencat e shtëpisë ligjvënëse”, deklaroi Sinisha Pekevski – politolog.

Analisti politik Pekevski vlerëson se disa nga premtimet janë nebuloze. Pra, përveç planeve që kanë kandidatët për çështjen e ndryshimeve kushtetuese, ai thotë se një kryetar shteti nuk mund të anulojë një marrëveshje dypalëshe, nëse nuk ka mbështetje për të në Kuvend. Premtim të tillë ka pasur deri më tani për Marrëveshjen e Fqinjësisë së Mirë me Bullgarinë.

“Thjesht nuk është e mundur të shkëputet kjo Marrëveshje, por mundemi, nëse gjejmë partner përkatës në Bullgari në partitë politike, të krijojmë marrëveshje të re, në të cilën do të ndryshohen disa pika dhe nene, gjë që do të jetë më mirë për të dyja palët, sepse duhet të ndërtohen marrëdhënie të mira fqinjësore”, tha Sinisha Pekevski – politolog.

Por, sipas Pekevskit, presidenti ka ndikim në krijimin e politikës së jashtme dhe zëri i tij vlerësohet. Ai thotë se kjo figurë politike ka kontribut të rëndësishëm në krijimin e imazhit të vendit në botë. /Alsat.mk

Botuar nga Driton Zenku 9 Prill, 2024 17:52

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.