Bizneset vuajnë për punëtorë!

Në takimet të shumta që kanë shoqatat të sektorëve të lartpërmendura, rrugëdalja shihet në rritjen e pagave mujore dhe dhënien e kushteve më të mira për punëtorët

Si asnjëherë deri tani në Dibër ka munguar krahu i punës. Migrimi masiv është duke lënë pasoja të mëdha edhe atë në drejtim të plakjes së popullatës por edhe mungesë të punëtorëve, situata është shqetësuese dhe problemi thellohet nga dita në ditë. Pronarët e bizneseve në Dibër dhe rajon thonë se kjo dukuri shkakton probleme në punët e bizneseve. Të rinjtë nga dita në ditë janë më pak, dhe biznesmenët thonë se nëse situata vazhdon në këtë drejtim do ta kenë rëndë sigurimin e krahut të punës.

Në shoqatën e pensionistëve në Dibër kohëve të fundit veçmë po bisedohet për problemet që ka mosha e tretë. Është një numër shumë i madh i dibranëve të cilët jetojnë të vetmuar meqë fëmijët e tyre tanimë janë në punë dhe jetojnë në shtete të Evropës dhe në SHBA. Pikërisht ky problem shkakton nevojën që në Dibër të rritet numri i personave që në nëpërmjet projekteve të Qeverisë të kujdesen për pleqtë apo të ndërtohet një Azil për pleq. Ka projekte nga shoqatat humanitare për interesimin për përkujdesjen për pleq por edhe ata nuk kënaqin nevojat e moshës së tretë. Në momente kur qyteti “plaket”, një shqetësim të madh me të drejtë kanë edhe pronarët të objekteve prodhuese dhe shërbyese. Problemi qëndron tek sigurimi i punëtorëve për realizimin të aktiviteteve ekonomike. Mungesa e krahut të punës shpesh herë debatohet në shoqatën e zejtarëve të Dibrës por edhe në Odat ekonomike që veprojnë në Dibër dhe rajon. Duke filluar nga objektet shërbyese siç janë kafeteritë, restorantet, hotelet, dhe duke vazhduar tek rrjeti tregtar, sot është qartë se mungojnë shumë punëtor. Në prag të sezonit veror kur në këtë sektor ka rritje të punës, me të drejt pronarët kërkojnë të sigurojnë krahun e punës.

Nga ana tjetër, krahu i punës mungon edhe në sferën e ndërtimtarisë, bujqësisë, blegtorisë etj. Në bisedën që patëm me udhëheqës të ndërmarrjeve ndërtimore në Dibër u informuam se mungojnë shumë punëtorë dhe si pasojë e mungesës në ndërtimin e objekteve ka një vonesë të afateve. E njëjta ndodh edhe me sferën e blegtorisë dhe bujqësisë. Faktikisht sipas përfaqësuesve të shoqatës të blegtorëve dhe bujqve është përgjysmuar numri i punëtorëve në këto sfera. Kjo drejtpërdrejt ndikon negativisht në zhvillimin e bujqësisë dhe blegtorisë kurse sa i takon ndërtimtarisë shpesh herë investitorët thonë se kanë dëme të mëdha meqë nuk respektohen afatet për ndërtimin e objekteve.

Në një situatë të këtillë kur punëtorët mungojnë në të gjithë sferat, investitorët dhe punëdhënësit janë të detyruar të angazhojnë punëtor jo vetëm nga komunat rurale për rreth Dibrës, por edhe nga viset kufitare të Shqipërisë. Sot në Dibër në shumë restorante, kafeteri dhe shitore mund të takohen të rinj nga Shqipëria të cilët janë të angazhuar si punëtor. Poashtu një prezencë të theksuar të shtetasve shqiptarë por edhe punëtorëve nga komunat rreth Dibrës, ka në sferën e ndërtimtarisë. Bëhet fjalë për punëtorë kryesisht sezonal nga fshatrat kufitare të Shqipërisë të cilët janë të njohur si mjeshtër të ndërtimtarisë. Shumë rëndë sot gjenden shtetas shqiptar në sferën e blegtorisë dhe bujqësisë. Vite më parë në këto sfera numri ishte më i madh i barinjve dhe mjeshtërve të cilët përgatitnin djathin e bardhë, por sot ata janë jashtë shtetit të Shqipërisë kryesisht në Greqi dhe Itali. Në takimet të shumta që kanë shoqatat të sektorëve të lartpërmendura, rrugëdalja shihet në rritjen e pagave mujore dhe dhënien e kushteve më të mira për punëtorët. (koha.mk)

659

SONDAZHI

Si e vlerësoni misionin e Ambasadorit shqiptar, Denion Meidani?

Shumë mirë

Mirë

Aspak mirë

• 
• 
• 
• 
• 
• 
•