BDI më e pasura, me më shumë para se partitë tjera

Botuar nga Flaka 12 Prill, 2024 20:34

Enti Shtetëror i Revizionit ka publikuar buxhetet e partive politike gjatë vitit të kaluar, se sa kanë përfituar nga arka e buxhetit të shtetit dhe përmes formave të tjera si donacione, anëtarësimi, dhurata dhe burime tjera, përcjell INA.

Enti Shtetëror i Revizionit bëri të ditur të ardhurat dhe shpenzimet e 42 partive politike.

Partia më e pasur është BDI-ja, e cila prinë me buxhetin e arkëtuar gjatë 2023, pas saj radhiten partitë e tjera si LSDM, VMRO-DPMNE, ASH, E Majta, GROM dhe partitë e tjera, përcjell INA.

BDI vitin e kaluar ka realizuar të hyra prej 156 milionë denarëve apo 2.5 milionë euro, prej të cilave një milion denarë nga anëtarësia dhe 1,5 milionë denarë nga donacionet. Kryetari i kësaj partie, Ali Ahmeti dhuroi 36 mijë denarë, ndërsa kryeministri teknik Talat Xhaferi 15 mijë denarë.

LSDM-ja në pushtet vitin e kaluar ka realizuar 119 milionë denarë apo afër 1.9 milionë euro. Prej tyre, 2,9 milionë denarë janë nga anëtarësia, dhuratat, donacionet e tjera, ndërsa mbi 88 milionë denarë janë të hyra nga burime të tjera.

VMRO-DPMNE opozitare vitin e kaluar kishte të hyra prej 104 milionë denarë apo 1.5 milionë euro. Ajo ka fituar më së shumti nga buxheti i shtetit, gjegjësisht qytetarët dhe këto janë 97 milionë denarë, para që i takojnë me ligj dhe që i merr çdo parti. Nga donacionet janë 3,7 milionë denarë. Donatori më i madh ishte kompania për mirëmbajtjen e higjienës “Luvak 2020” me 800.000 denarë.

Aleanca për Shqiptarët kishte të ardhura 23 milionë apo rreth 380 mijë euro, prej të cilave 17 milionë denarë nga buxheti. E majta merrte 14 milionë denarë nga shteti, GROM kishte tetë milionë denarë të ardhura si dhe vijojnë partitë e tjera me më pak të ardhura. (INA)

Shiko raportet e të gjitha partive KËTU

Botuar nga Flaka 12 Prill, 2024 20:34

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.