Dikur kërkonte lëmoshë, sot punon dhe siguron bukën për fëmijët e saj
Botuar nga Flaka
Almedina vetëm para 6 muajve kërkonte lëmoshë në rrugë për të siguruar ushqim për 8 fëmijët e saj.
Ajo si fëmijë edhe vetë është rritur në rrugë dhe ka kërkuar lëmoshë, e pasi është martuar skamja përsëri e ka detyruar të dalë në rrugë dhe të kërkojë lëmoshë. Vetëm para 6 muajsh është punësuar së bashku me bashkëshortin e saj dhe tanimë thotë se më të ardhurat mund të sigurojë ushqim dhe veshmbathje për familjen e saj.
“Para se të filloj punë unë kam kërkuar lëmoshë e jo fëmijët e mi, për fëmijët e mi nuk kam lejuar dhe ja tani si Zoti askush nuk është kam punë. Me një ndihmë sociale nuk kishim mundësi dhe nëna me thoshte mos shko në shkollë shko kërko lëmoshë për barnat e babait tënd dhe si u martova dhe kisha 2-3 fëmijë pasi nuk kisha shkollë të kryer por qe ja tani jam në punë. Dhe tani më nuk ke nevojë që të kërkosh lëmoshë? Jo nuk ka arsye tani, kur nuk ke nga nxjerr bukën patjetër të kërkosh se nuk mund të lija fëmijët të uritur”, deklaroi Almedina Duboviq – qytetare.
Në Shuto Orizari sot ishte edhe përfaqësuesja e avokatit të popullit Vaska Bajramovska dhe sipas saj bashkëpunimi me prindërit dhe institucionet do të mundësonte që të kërkohet zgjidhje për këta fëmijë.
“Është e qartë se duhet të punohet shumë më seriozisht, më me përkushtim në çështjen e fëmijëve në rrugë me përfshirjen e prindërve me përfshirjen e institucioneve kompetente për çrrënjosjen e problemit, gjetjen e rrënjës së problemit dhe zgjidhjen e problemit me fëmijët në rrugë”, tha Vaska Bajramovska Mustafa, përfaqësuese e Avokatit të Popullit.
Në qendrën “Rruga e Shpresës” në Shuto Orizari qëndrojnë rreth 20 fëmijët që deri pak kohë më parë kërkonin lëmoshë në rrugë ndërsa sipas këshilltares së Avokatit të Popullit Bajramovska më shumë se 100 fëmije janë çdo ditë në rrugë që kërkojnë lëmoshë dhe kjo sipas saj alarmon që të përkushtohen institucionet më shumë në çrrënjosjen e kësaj dukurie. /Alsat.mk
Botuar nga Flaka
TË fundit
