Pinguinët hidhen nga 15 metra lartësi për notin e tyre të parë në Oqeanin Jugor, shihni videon mahnitëse

Botuar nga Flaka 12 Prill, 2024 07:28

Pamjet mahnitëse të publikuara për herë të parë nga National Geographic tregojnë dhjetëra pinguinë të vegjël që zhyten me guxim nga një shkëmb i madh 15 metra për të notuar në ujërat e ftohta të Antarktidës për herë të parë.

Kinemasti fitues i çmimeve të National Geographic, Bertie Gregory, kaloi dy muaj duke gjurmuar një koloni prej 10,000 pinguinësh perandorë në Gadishullin Antarktik dhe pati fatin të kapte skenën e pazakontë me aparatin e tij, siç tha ai për ‘Good Morning America’.

“Kur pinguinët bëjnë zhytjen e tyre të parë, zakonisht hidhen në det nga rreth gjysmë metri akull. Kemi vënë re se shumë prej tyre i kanë anashkaluar ato pika për të shkuar diku tjetër. Kështu që përdora dronin për të parë saktësisht se çfarë po ndodhte dhe kuptova se ata po mblidheshin në buzë të një shkëmbi të madh 15 metra të lartë. Më pas ata filluan të hidheshin një nga një për të bërë zhytjen e tyre të parë në Oqeanin Jugor”, tha Gregory duke përshkruar skenën e mrekullueshme.

Në videon e publikuar në YouTube nga National Geographic, pinguinët shihen duke u afruar me hezitim buzë shkëmbit. Papritur, njëri prej tyre hidhet në boshllëk dhe bie në ujë. Pak më vonë ai duket se po largohet shëndoshë e mirë me not. Të tjerë pinguinë ndjekin shembullin, duke u zhytur nga lart për të shijuar banjën e tyre të parë.

Gregory shpjegoi se ai vetë ndihej nervoz duke parë skenën, pasi kishte copa të mëdha akulli që notonin në ujë dhe përplasja me to “do të ishte si të binte mbi beton”. Megjithatë, thotë ai, pinguinët e vegjël dolën menjëherë në sipërfaqe duke notuar, edhe pse nuk e kishin bërë kurrë më parë në jetën e tyre.

Sipas New York Post, pamjet mahnitëse të Gregory që tregojnë pinguinët e vegjël që zhyten në shkëmb për herë të parë do të përfshihen në dokumentarin ‘Sekretet e Penguinëve’ që do të shfaqet premierë në Ditën e Tokës (22 Prill) 2025.

Botuar nga Flaka 12 Prill, 2024 07:28

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.