Goran Grujevski, u la i lirë pasi Interpoli ia tërhoqi fletarrestin

Botuar nga Flaka 14 Prill, 2024 10:32 Përditësuar

Ish-kryeshefi i Drejtorisë së Pestë në Ministrinë e Brendshme të Maqedonisë së Veriut, Goran Grujevski, u arrestua mbrëmë rreth orës 21:00 në aeroportin e Zagrebit gjatë aterimit në kryeqytetin kroat.

Policia kroate e arrestoi Grujevskin në bazë të fletarrestit ndërkombëtar të Maqedonisë së Veriut dhe menjëherë pas arrestimit e njoftoi Ministrinë e Brendshme të vendit dhe Interpolin.

Por, pas verifikimit të rastit, Interpoli e ka tërhequr fletarrestin ndaj tij, për shkak se Grujevski gëzon azil politik në Greqi.

Ish-shefi i Drejtorisë së Pestë tashmë gjendet në liri në kryeqytetin e Kroacisë.

Ai, bashkë me kolegun e tij Nikolla Boshkovski, u arratis në Greqi në vitin 2017, ku kërkuan azil politik pas akuzave ndaj tyre në rastin Target – Fortesa të ish-Prokurorisë Speciale, lidhur me përgjimin e paligjshëm në Maqedoninë e Veriut.

Kujtojmë që më 13.04.2024 në Zagreb është arrestuar Goran Grujevski i lindur më 13.10.1966, shtetas i RMV-së, kundër të cilit ishte shpallur fletarrest ndërkombëtar, njofton KlanM.

Ndryshe Goran Grujevski ishte Kryeshef i Drejtorisë së Pestë në MPB.

Grujevski së bashku me Boshkovskin janë të akuzuarit kryesor në procesin gjyqësor “Fortesa – Target”, lidhur me përgjimin masovik të jashtëligjshëm, gjatë kohës kur në qeveri ishte VMRO-DPMNE.

Grujevski, sic njofton KlanM, gjithashtu ishte I akuzuar edhe në lëndën “Fortesa 2”, për djegien e jashtëligjshme yë dokumenteve të DSK-së. dëshmitë për përgjimin e jashtëligjshëm, por edhe në lëndën “Arka” bashkë me Sasho Mijalkovin dhe Nebojsha Stajkoviq për furnizim të jashtëligjshëm të pajisjes për përgjim nga Britania e Madhe.

Goran Grujevski, sic njofton KlanM, është në arrati që nga 26 korriku i vitit 2027, kur duhej të shkonte për paraburgim, por policia nuk e kishte gjetur në shtëpi.

Grujevski dhe Boshkovski u arratisën pasi Apeli pas miratimit të vendimit për paraburgim. Në vend që të dërgohen në Shutkë, sic përcjell KlanM, gjykata u dha afat një javë për ankesë në Gjykatën Supreme. Pikërisht këtë periudhë të dy e shfrytëzuan për t`u arratisur nga vendi.

Policia kufitare e Maqedonisë e kishte lëshuar Grujevskin me identitetin respektivisht pasaportën e kolegut të tij Vladimir Varelov, gjithashtu i akuzuar në lëndën “Fortesa – Target”.

Grujevski dhe Boshkovski, sic njofton KlanM, ishin arrestuar më 18 tetor 2017 në Aeroportin e Selanikut me pasaporta të rreme bullgare, me emrat Nexhbi Asan dhe Hristo Atanasov. Ndërkohë të dy kërkuan azil politik në Greqi./tvklan.mk/

Botuar nga Flaka 14 Prill, 2024 10:32 Përditësuar

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.