Organizatat qytetare të monitorojnë shpenzimin e parave dhe realizimin e projekteve infrastrukturore

Botuar nga Flaka 15 Prill, 2024 21:36

OJQ Estima kërkon që organizatat civile të përfshihen në realizimin e projekteve infrastrukturore. Sipas kryetares Krstinovska, sektori civil duhet të konsultohet në të gjitha fazat e ciklit të projektit, por duhet të monitorohet edhe prokurimi publik, si dhe shpenzimi i parave, përcjell FLAKA.

“Kemi disa raste të projekteve infrastrukturore që ndërtohen me shuma të mëdha parash, dhe nuk shfrytëzohen më tutje. Kemi shumë abuzime në fazën e prokurimit dhe kontraktimit publik. Përfshirja e shoqërisë civile do të ishte në interes të tejkalimit të të gjitha atyre mospërputhjeve”, tha Ana Krstinovska, ESTIMA.

Planifikimi i dobët çon në investimin e më shumë parave për të korrigjuar ato gabime. Prandaj, nëse organizatat e shoqërisë civile bëjnë mbikëqyrje në atë fazë, do të kishte transparencë më të madhe dhe do të parandaloheshin gabimet, thotë Krstinovska.

“Meqë po flasim për Korridorin 8, ka pasur problem me lidhjen e përgjithshme, pra me 4 projekte të ndryshme që është dashur të kalojnë rreth liqenit të Ohrit, ndërlidhësi i energjisë elektrike, hekurudha, interkonektori i gazit dhe autostrada. Ka pasur gjetje nga UNESCO se rrugët që janë zgjedhur janë të pamjaftueshme dhe duhet të ndryshohen, dhe kjo është diçka që në thelb organizatat lokale e kanë vënë në dukje që kur ato faza ishin duke u zhvilluar. Tani, vetë ndërrimi i itinerareve do të kushtojë disa milionë euro që nuk do të duhej të shpenzoheshin nëse rekomandimet e tyre do të ishin marrë parasysh në fillim në planifikim”, tha Ana Krstinovska, ESTIMA.

Në panel ishte i pranishëm edhe ambasadori evropian David Geer, i cili tha se shoqëria civile ka një rol kyç në llogaridhënie, dhe gjithashtu mund të sjellë ekspertizë në zbatimin e vetë infrastrukturës. FLAKA

Botuar nga Flaka 15 Prill, 2024 21:36

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.