Raportimi për zjarrin te Urgjenca e QSUT, debat te Shëndetësia, ministrja: U dogj kablli elektrik. Deputetja e PD: Ikën dy muaj, s’keni asnjë përfundim hetimi

Botuar nga Flaka 16 Prill, 2024 08:40 Përditësuar

Ministrja e Shëndetësisë Albana Koçiu po shpjegon situatën në Urgjencën e QSUT e thirrur në Komisionin për Punën, Çështjet Sociale dhe Shëndetësinë, pas zjarrit të rëndë disa javë më parë.

Gjergji: Në këtë situatë të paprecedentë, në mungesë transparence, përgjegjëshmërie dhe mungesë llogaridhënie të qeverisë, në përmbushje të detyrës sime si deputete e Kuvendit të Shqipërisë, në mbështetje të nenit 80, pika 1 e Kushtetutës së Republikës së Shqipërisë, nenit 90 dhe pikës 1 të nenit 93 të Rregullores së Kuvendit, parashtroj këtë kërkesë me pyetje për Ministrin e Shëndetësisë dhe Mbrotjes Sociale Znj. Albana Koçiu dhe kërkoj që përgjigjen e kësaj kërkese ta marrë pranë Komisionit të Punës, Çështjeve Sociale dhe Shëndetësisë për sa vijon:

1. A jeni në dijeni për mos ofrimin e shërbimit të urgjencës për pacientët që i drejtohen Urgjencës së QSUT prej 11 Shkurtit 2024?

2. Çfarë masash keni ndërmarrë për vijimin e ofrimit të shërbimit të urgjencës për qytetarët pas situatës së zjarrit në mjediset e Urgjencës së QSUT?

3. A ka ushtruar Ministria që ju drejtoni të gjitha kompetencat dhe përgjegjësitë për të ushtruar mbikqyrjen e nevojshme për shkaqet dhe pasojat pas zjarrit në Shërbimin e Urgjencës në QSUT?

4. A jeni në dijeni se mbi çfarë urdhërash/vendimesh dhe me cfarë afatesh QSUT ka devijuar ofrimin e shërbimit të urgjencës nga QSUT tek “Spitali i Traumës” dhe “Spitali Shefqet Ndroqi-Sanatoriumi”?

Koçiu: Dua të komentoj të gjitha të pavërtetat. Investimi dhe transformimi i spitalit të sëmundjeve të brendshme, incidenti tregoi se standardet dhe cilësia e shërbimit mjekësor është i tillë anembanë vendit. Ka arsye për t’u ndjerë mirë dhe krenarë për stafin e mrekullueshëm. Është nën hetim nga prokuroria, nga të hënat paraprake mund të konfirmoj se bëhet fjalë për një defekt teknik djegie të kabujve elektrikë pa dëmtuar pajisjet biomjekësore të spitalit. Në qsut vijon normalisht puna dhe shërbimet pa problematika., urgjenca kardiake dhe e sëmundjeve të brendshme, ofrohen në tek Shefqet Ndroqi, të fierit apo Shkodrës në koordinim shumë profesional të urgjencës mjekësore, janë spitale që i kanë të gjitha mundësitë, është meritë e investimeve për të forcuar sistemin shëndetësor në të gjithë territorin. Kompania kontraktore ka nisur punën për rehabilitimin, punimet pritet të mbarojnë në muajin maj.

Botuar nga Flaka 16 Prill, 2024 08:40 Përditësuar

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.