Të dielën paradite do të ketë kufizime në komunikacionin e Shkupit

Abedin Bilalli
Botuar nga Abedin Bilalli 10 Maj, 2024 20:52

Të dielën paradite do të ketë kufizime në komunikacionin e Shkupit

Policia e Maqedonisë së Veriut ka paralajmëruar që të dielën në disa pjesë të komunikacionit të Shkupit do të ketë kufizime për shkak organizimit të garave, transmeton Portalb.mk.

“Më datën 12.05.2024 ( e diel) nga ora 08:30 minuta deri më 10:30 minuta, për shkak të mbajtjes së garës rrugore Njësiti për Siguri në Komunikacionin Rrugor pranë SPB Shkup do të ndërmarrë masa për regjim të posaçëm të trafikut edhe atë përgjatë rrugëve ku do të garojnë garuesit”, raportoi Policia.

Ata theksuan që kufizimet do të prekin bulevardin “Ilindeni”, rrugën “Nikolla Parapunov”, “Aradhat Partizane”, urën “Vllajko” dhe rrugën “Lublana”.

Abedin Bilalli
Botuar nga Abedin Bilalli 10 Maj, 2024 20:52