Së shpejti do të shohim një rreshtim të rrallë të gjashtë planetëve

Abedin Bilalli
Botuar nga Abedin Bilalli 27 Maj, 2024 20:10

Së shpejti do të shohim një rreshtim të rrallë të gjashtë planetëve

Maraklit e qiellit me yje do të kenë një kënaqësi të vërtetë për rreth një javë – shtrirjen e deri në gjashtë planetë. Shtrirja ose lidhja e trupave qiellorë përshkruan afërsinë e tyre të dukshme kur ata duken, nëse shihen nga Toka, të jenë afër njëri-tjetrit.

Përkatësisht, më 3 dhe 4 qershor, Mërkuri, Marsi, Jupiteri, Saturni, Neptuni dhe Urani do të shfaqen në qiell në vijë të drejtë. Nuk është e pazakontë të shohësh dy ose tre planetë afër njëri-tjetrit, por një shtrirje prej deri në gjashtë prej tyre është një ngjarje mjaft e rrallë. Kjo është arsyeja pse ky pozicionim i pesë ose gjashtë planetëve të tjerë të sistemit diellor quhet një shtrirje e madhe.

Edhe pse në këtë fenomen duket se trupat qiellorë janë afër njëri-tjetrit, ky është vetëm një iluzion i krijuar nga pamja dydimensionale e hapësirës. Në realitet, planetët do të jenë ende në të njëjtën distancë mesatare nga njëri-tjetri (distanca e tyre varet nga orbita) si më parë. Vetëm neve nga Toka do të duket sikur ata qëndrojnë shumë afër sepse sytë tanë nuk mund të regjistrojnë thellësinë, domethënë distancën reale midis tyre.

Nëse dëshironi të shihni bukurinë e plotë të këtij spektakli qiellor në orët e hershme të mëngjesit të fillimit të qershorit, mund t’ju nevojiten mjete ndihmëse vizuale. Mërkuri, Marsi, Jupiteri dhe Saturni do të jenë mjaft të shndritshëm për t’u parë me sy të lirë, por zbulimi i Uranit dhe Neptunit do të kërkojë dylbi ose teleskop, raporton Science Alert.

Shtrirja do të jetë e dukshme nga shumica e vendeve në mbarë botën. Sa ora ngrihen dhe perëndojnë planetët, dhe në çfarë rendi, varet nga cila pjesë e botës e shikoni qiellin e natës.

Abedin Bilalli
Botuar nga Abedin Bilalli 27 Maj, 2024 20:10