Vuçiq: Të lejohet qasja në gjithë materialin zgjedhor në Serbi

Abedin Bilalli
Botuar nga Abedin Bilalli 5 Qershor, 2024 19:56

Vuçiq: Të lejohet qasja në gjithë materialin zgjedhor në Serbi

Presidenti i Serbisë, Aleksandër Vuçqç ka thënë se është e nevojshme që të lejohet qasja në gjithë materialin zgjedhor të zgjedhjeve të përsëritura lokale në disa pjesë të Serbisë, të mbajtura më 2 qershor.

“Të gjithë që kanë dëshirë të rishikojnë gjithçka duhet të lejohen, prandaj gjithçka duhet të jetë transparente. Mund t’i numëroni 100 herë, si të doni. Natyrisht që nuk ka parregullsi”, ka thënë Vuçiç në një paraqitje televizive në Radiotelevizionin e Serbisë.

Presidenti i Serbisë u është përgjigjur dyshimeve të opozitës që Partia Përparimtare Serbe (SNS) i ka vjedhur zgjedhjet lokale, të mbajtura në 89 qytete dhe krahina në Serbi.

Opozita ka organizuar protesta të martën në Beograd dhe Nish, me kërkesën për të pasur qasje në materialin zgjedhor.

Abedin Bilalli
Botuar nga Abedin Bilalli 5 Qershor, 2024 19:56