Juventusi përgadit ofertën për “yllin holandez” për të kompletuar mesfushën

Drin Zenku
Botuar nga Drin Zenku 4 Korrik, 2024 10:30

Juventusi përgadit ofertën për “yllin holandez” për të kompletuar mesfushën

Juventusi ka njoftuar tashmë afrimin e Douglas Luiz dhe ka arritur një marrëveshje për Khephren Thuram, por raporte të shumta thonë se puna e Cristiano Giuntoli në mesfushë nuk ka përfunduar ende pasi bardhezinjtë po përgatisin një ofertë për Teun Koopmeiners.

Sipas ekspertit të transferimeve Fabrizio Romano dhe mediumit La Gazzetta dello Sport, Juventusi së shpejti do të dërgojë një ofertë për të nënshkruar me yllin e Atalantas, Koopmeiners.

Mesfushori holandez shihet si pjesa e munguar për të kompletuar mesfushën pas nënshkrimeve të Douglas Luiz dhe Thuram. Si Romano ashtu edhe Gazzetta dello Sport thonë se nuk ka asnjë problem për kushtet personale.

Gazeta italiane pretendon se Koopmeiners do të fitojë rreth 4 milionë euro plus bonuse nëse Juventusi shtrëngon duart me Atalantën.

Klubi nga Bergamo ka arritur një marrëveshje për italianin Nicolo Zaniolo, por vlerëson Koopmeiners në 60 milionë euro.

Gazeta italiane sportive shton se Juventusi duhet të shesë disa nga lojtarët e tyre për të mbledhur para për të kompletuar ofertën për Koopmeiners.

Arek Milik, Weston McKennie dhe Filip Kostic janë në treg dhe Zonja e Vjetër do të dëgjojë ofertat për Matias Soule dhe Dean Huijsen. Ky i fundit madje mund t’i ofrohet Atalantës për të ulur çmimin e kërkuar për Koopmeiners.

Drin Zenku
Botuar nga Drin Zenku 4 Korrik, 2024 10:30