Mourinho synon ta transferojë anësorin e Barcelonës te Fenerbahce

Driton Zenku
Botuar nga Driton Zenku 4 Korrik, 2024 20:34

Mourinho synon ta transferojë anësorin e Barcelonës te Fenerbahce

Jose Mourinho është i etur për të transferuar Ansu Fatin në Fenerbahce këtë verë, raporton Diario Sport.

Vetëm muajin e kaluar, i riu i Barcelonës u rikthye nga një huazim mjaft i pasuksesshëm në Brighton, duke e lënë pjesën më të madhe të sezonit në Ligën Premier në stol.

Tani, ai ka një para-sezon përpara për t’i dëshmuar Hansi Flick se e meriton të vazhdojë në klub.

Raportimet e mëparshme treguan se shefi gjerman shpreson se mund të llogarisë tek ai sezonin e ardhshëm, por gjithçka do të varet nga mënyra se si ai do të performojë gjatë turneut para-sezonal.

Ndërkohë, skuadra turke thuhet se është e gatshme të paguajë 25 milionë euro që vlerësohet aktualisht Fati, me pagesë paraprake.

Dhe katalanasit, të cilët kanë nevojë për injeksione të reja parash për të bërë nënshkrimet e tyre gjatë verës, mund të tundohen nga oferta.

Driton Zenku
Botuar nga Driton Zenku 4 Korrik, 2024 20:34