Reduktimi i linjave private, vështirëson qarkullimin e qytetarëve

Driton Zenku
Botuar nga Driton Zenku 8 Korrik, 2024 19:13

Reduktimi i linjave private, vështirëson qarkullimin e qytetarëve

Ky i moshuar po paguante mujoren në sportelin e NQP-së për transportin publik dhe më pas u detyrua të pres djalin që ta merrte me veturë.

“Po e nxora mujoren dhe do me duhet të udhëtoj. Kisha dëgjuar se kanë punuar sa kohë, për tre muaj nuk janë paguar por se a është e vërtetë nuk e di por të gjithë thonë se munden të rrisin për qeveritaret aq përqindje e për shoferet nuk kanë para. Çdokush kush punon duhet të paguhet“, u shpreh një qytetar.

“Tani pres që djali të vije me veturë por përndryshe vozitem me 45 dhe 65”, tha një tjetër qytetar.

Përveç këtij të moshuari, mungesën e linjave private të cilat edhe sot ishin të reduktuara e vërejtën edhe shumë qytetarë të Shkupit të cilët priten autobusët në temperaturat e larta.

“Nuk ka, tani erdhe por sa do të pres nuk e di, edhe shtetërorët janë të rralla tani e këto privat nuk vozisin ajo është. Duhet të paguhen sepse vozisin dhe harxhojnë, e kush është kompetent për të nuk e dimë, ata që janë në pushtet e dinë. -Ne kemi dalë nga mëngjesi dhe nuk e dimë kur do të kthehemi në shtëpi”, u shpreh një qytetare.

“Ne që jemi të lidhur me transport, shumë është e rëndë, unë jam në Banjavcë, shumë rëndë është, kur nuk ke autobus e duhet të shkosh në mjek. Për një muaj kush e di sa here jam kthyer me taxi. Duhet të kemi jetë normale, nuk kërkojmë luks por kjo është”, tha një tjetër qytetar.

“Duhet të paguhen, kërkojnë të drejtën e tyre. Kanë të drejte edhe ata”, deklaroi një qytetare.

“Qytetaret e Shkupit edhe sot u përballën me linja të reduktuara të transportit privat publik ndërsa nga Ndërmarrja për Qarkullim Publik as sot nuk e panë të arsyeshme të përgjigjen në pyetjen se si do të rregullohet kjo çështje, e vetmja përgjigje që morëm nëpërmjet postes elektronike ishte ajo se borxhi nuk është sa pretendojnë transportuesit privat por më i vogël dhe po paguhet vazhdimisht ndërsa drejtori i ri i kësaj ndërmarrje edhe sot nuk doli para kamerave”, raporton Avni Tahiri, gazetar.

Në përgjigjën elektronike të NQP-së thuhet se faturat e transportit që disa nga transportuesit privat kanë dorëzuar janë konstatuar si dokumente jo të besueshme. Shtojnë se nëse transportuesit privat ndalojnë ofrimin e shërbimit për qytetarët, NQP do të detyrohet t’i paditë ata për kompensimin e dëmit material për mosrespektim të detyrimeve kontraktuese. Borxh prej 140 milionë denarë ndaj transportuesve privatë nuk ka sipas NQP-se dhe se kërkesa momentale është 34 milionë denarë dhe paradhëniet paguhen rregullisht.

Transportuesit privat në shenjë proteste për siç thonë mos pagesën nga ana e NQP-së edhe sot qarkulluan me orar të reduktuar. /Alsat.mk

Driton Zenku
Botuar nga Driton Zenku 8 Korrik, 2024 19:13