Rritet në 38.193 numri i palestinezëve të vrarë nga sulmet izraelite në Gaza

Driton Zenku
Botuar nga Driton Zenku 8 Korrik, 2024 22:09

Rritet në 38.193 numri i palestinezëve të vrarë nga sulmet izraelite në Gaza

Është rritur në 38.193 numri i palestinezëve të vrarë në sulmet e ushtrisë izraelite që nga 7 tetori i vitit 2023 në Rripin e Gazës, transmeton Anadolu.

Në një deklaratë me shkrim nga Ministria e Shëndetësisë në Gaza informohet lidhur me sulmet që Izraeli vazhdon prej 276 ditësh ndaj Rripit të Gazës.

Në sulmet që ushtria izraelite ka kryer në 24 orët e fundit ndaj zonave të ndryshme të Gazës janë kryer 3 “masakra”, ndërsa në këto sulme janë vrarë 40 palestinezë ndërsa 75 të tjerë janë plagosur.

Në sulmet e Izraelit në Rripin e Gazës që nga 7 tetori 2023 e deri më tani numri i palestinezëve të vrarë ka arritur në 38.193 ndërsa i të plagosurve në 87.903.

Gjithashtu në deklaratë thuhet se nën rrënoja dhe përreth rrugëve ende ka kufoma të të vrarëve ndërsa ekipet shëndetësore dhe të Mbrojtjes Civile nuk kanë mundur të mbërrijnë tek trupat për shkak të pengesave nga forcat izraelite.

Driton Zenku
Botuar nga Driton Zenku 8 Korrik, 2024 22:09