Rusia lëshon urdhër arresti për Yulia Navalnaya

Driton Zenku
Botuar nga Driton Zenku 9 Korrik, 2024 21:34

Rusia lëshon urdhër arresti për Yulia Navalnaya

Një gjykatë në Moskë ka lëshuar një urdhër arresti në mungesë për Yulia Navalnaya, gruan e politikanit të ndjerë të opozitës rus, Alexey Navalny.

Gjykata e Qarkut Basmannyy në Moskë akuzoi Navalnaya për “pjesëmarrje në një organizatë ekstremiste”, tha zëdhënësja e saj Kira Yarmysh në një postim në mediat sociale, raporton CNN. 

Alexey Navalny vdiq më 16 shkurt në një burg në Siberi ku po vuante një dënim 19-vjeçar pasi u shpall fajtor për krijimin e një komuniteti ekstremist, financimin e aktivistëve ekstremistë dhe krime të tjera.

Ai po vuante tashmë dënimet prej 11 vitesh e gjysmë në një strukturë të sigurisë maksimale për mashtrim dhe akuza të tjera që ai gjithmonë i kishte mohuar dhe pretendonte se ishin të motivuara politikisht.

Navalny ishte lideri më i lartë i opozitës në Rusi dhe kaloi vite duke kritikuar Putinin, i cili ka qenë në pushtet për gati një çerek shekulli. Vdekja e tij erdhi disa javë përpara zgjedhjeve presidenciale të vendit, më 15 mars.

Driton Zenku
Botuar nga Driton Zenku 9 Korrik, 2024 21:34