S’ka qetësi mes Selës dhe Taravarit – Kujt i takon ASH?

Botuar nga Driton Zenku 17 Tetor, 2024 19:19

Përplasje mes Ziadin Selës e Arben Taravarit se kujt i takon partia Aleanca për Shqiptarët, shkruan Alsat.

Ziadin Sela thotë se Arben Taravari po shkel rregulloren dhe statutin e partisë dhe në bazë të veprimeve të tij, duket sikur ai po bën një parti të re.

Sela thotë se vendimi i gjykatës së Apelit për ta kthyer lëndën për vulat e partisë në Gjykatën Themelore, është bërë disa ditë pasi Taravari ka realizuar takim me një gjykatës të Gostivarit.

“Ajo që ne po shohim përditë është që Arbeni është duke bërë parti të re, ai po mban kuvende degësh, në ndërkohë që statuti i Aleancës për Shqiptarët thotë që kryetarët e degës zgjidhen me konkurs publik. Ai ka shpall kongres, ndërkohë që vendimin për kongres e merr kuvendi qendror, apo. Domethënë nuk e di, ai po bën një organizim të ri politik dhe ai është duke bërë parti të re. Dhe tani të kthehemi te vendimi. Kjo duhet të jetë edhe pasqyra për gjykatësit që duhet të marrin vendim. Unë e kam bërë një pyetje publike. Ai disa ditë përpara se të jepet vendimi i gjykatës së apelit është takuar me një gjykatës të Gostivarit dhe menjëherë pas saj jepet ai vendim dhe rikthehet lënda në gjykatën themelore”, u shpreh Ziadin Sela, Aleanca për Shqiptarët.

Por Arben Taravari, thotë se ky vendim është marrë, pikërisht për faktin se tanimë askush nuk u bën presion gjykatësve.

Taravari i uroi suksese Selës, duke nënvizuar se prezenca e anëtarësisë nëpër kuvendet e të gjitha degëve, tregon se kujt i takon partia.

“Zakonisht nuk dua t’i përkujtoj momentet e këqija në jetë, kështuqë zotëri Ziadin Selës i uroj suksese, tash besoj në gjykata s’ka kush bën presione, shihet anëtarësia ku është, jemi duke i vizituar dhe duke i riorganizuar kuvendet e të gjitha degëve, vetë masiviteti në çdo degë tregon kujt i takon partia”, tha Arben Taravari, Aleanca për Shqiptarët.

Një muaj më parë, Gjykata e Apelit në Gostivar ktheu në rigjykim çështjen e vulave dhe kryesimin me partinë Aleanca për Shqiptarët. Në shkallën e parë të gjykimit në Tetovë u ndryshuan disa gjykatës.

Taravari akuzoi për presion ndaj gjyqësorit, ndërsa Sela i ishte përgjigjur se po manipulon për të arsyetuar vendimin e tij të gabuar për t’u rreshtuar aso kohe me opozitën shqiptare./ Alsat.mk

Botuar nga Driton Zenku 17 Tetor, 2024 19:19

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.