A po mendon Vinicius për 1 miliard euro – arsyeja pse i ndërpreu bisedimet me Real Madridin

Botuar nga Driton Zenku 31 Tetor, 2024 20:22

Vinicius Junior ka qenë në qendër të vëmendjes ditët e fundit, pasi anësori i Real Madridit nuk e fitoi Topin e Artë, edhe pse shpresonte për të.

Sot gjatë ditës mediumi spanjoll Relevo ka shkruar për të ardhmen e tij dhe tentativat e drejtuesve të Real Madridit për t’ia zgjatur kontratën, por braziliani nuk po ngutet, pasi ka kontratë deri në verën e vitit 2027.

“Deri më tani Vinicius ka falënderuar vetëm drejtuesit e Real Madridit për interesimin”, shkruan mediumi spanjoll Relevo.

Sipas tyre Vinicius është ndikuar nga oferta e madhe që ka marrë nga Arabia Saudite.

Verën e kaluar, spanjollët shkruan për ofertën më të madhe në historinë e futbollit. Një klub saudit i ofroi Vinicius një kontratë pesëvjeçare, nga e cila do t’i fitonte 1 miliard euro në pesë sezone dhe kështu do ta bënte atë futbollistin më të paguar në histori.

Kjo ofertë u refuzua, por një e ngjashme me siguri do të arrijë së shpejti dhe vazhdon të jetë larg më e madhe se sa fiton aktualisht Vinicius.

Në total, këtë sezon Vinicius ka shënuar tetë gola dhe ka dhuruar shtatë asistime. Në total te Real Madridi nga viti 2018, ai luajti gjithsej 279 ndeshje dhe shënoi 91 gola.

Botuar nga Driton Zenku 31 Tetor, 2024 20:22

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.