A e gaboi bastin politik Bilall Kasami me Partinë Demokratike të Sali Berishës?

Botuar nga Flaka 12 Maj, 2025 11:45

Tashmë është bërë praktikë e zakonshme që politikanë nga Shkupi, Prishtina dhe Tirana të ndërhyjnë ose të përfshihen në mënyrë të drejtpërdrejtë në fushatat zgjedhore në vendet fqinje. Kjo u pa qartë edhe në zgjedhjet parlamentare të 11 majit në Shqipëri, ku kryetari i Lëvizjes Besa dhe një nga liderët e koalicionit opozitar VLEN, Bilall Kasami, vizitoi Tiranën dhe mbështeti publikisht kandidaten e Partisë Demokratike, Jorida Tabakun, shkruan Flaka Madia.

Por rezultati i zgjedhjeve nuk i justifikoi këto afrime politike. Partia Socialiste dhe Edi Rama shënuan një fitore bindëse, duke e lënë opozitën – përfshirë edhe PD-në e Sali Berishës – në një tjetër disfatë elektorale.

Ky orientim i Kasamit drejt opozitës shqiptare është pjesë e një tabloje më të gjerë. Kryeministri i Maqedonisë së Veriut, Hristijan Mickoski, ka zhvilluar disa takime me liderët opozitarë shqiptarë, përfshirë Sali Berishën dhe Ilir Metën. Gjatë Kongresit të Partive Popullore Evropiane, ai përgëzoi Berishën për fushatën dhe madje i ofroi mbështetje në formën e ekspertizës elektorale.

Po ashtu, në gusht 2024, në Ohër, Ilir Meta u takua me Mickoskin dhe kabinetin e tij, duke e quajtur VMRO-në “një ekip me karakter dhe vizion”. Por as ky bashkëpunim nuk dha rezultat: PD-ja dështoi në zgjedhje, ndërsa Meta sot gjendet pas grilave për akuza të rënda.

Në Maqedoninë e Veriut, përfaqësues të partive në pushtet kanë ndjekur një linjë politike të afërt me PD-në dhe aleatët e saj, por heshtja e Mickoskit pas fitores së Ramës – ndryshe nga urimi i liderit të LSDM-së, Venko Filipçe – shihet nga analistët si shenjë zhgënjimi dhe humbjeje të një basti politik të gabuar. Flaka Madia

Botuar nga Flaka 12 Maj, 2025 11:45

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.