U mbajt turneu memorial në futboll të vogël “Mustafë Ebibi”

Sot më 15 maj, në qendrën sportive Bilznak Sport Kumanovë u zhvillua turneu memorial në futboll të vogël, në kujtim të arsimtarit dhe sportdashësit të njohur, Mustafë Ebibi, i cili la gjurmë të pashlyeshme në jetën arsimore dhe sportive të Kumanovës.

Në këtë edicion të parë memorial morën pjesë katër shkolla fillore të komunës së Kumanovës:

SHFK “Bajram Shabani” – Kumanovë, SHFK “Naim Frashëri” – Kumanovë, SHFK “Kirili dhe Metodij” – fshati Rramanli, SHFK “Kongresi i Manastirit” – fshati Llopat.

Turneu u zhvillua në një atmosferë sportive dhe të ngrohtë përkujtimi.

Pas ndeshjeve garuese dhe plot emocion, fitues i turneut memorial u shpall SHFK “Bajram Shabani” nga Kumanova, ndërsa vendi i dytë i takoi SHFK “Kongresi i Manastirit” nga Llopati. Në vendin e tretë u rendit SHFK “Naim Frashëri”, ndërsa vendi i katërt i takoi shkollës “Kirili dhe Metodij”.

Ngjarjen e nderuan zyrtarë të lartë të Komunës së Kumanovës.

Ky turnir, përveçse garës sportive, ishte edhe një moment i rëndësishëm përkujtimi për figurën e Mustafë Ebibit.

Ngjarja u përjetua me shumë emocione, pasi u nderua edhe nga familjarë, miq dhe dashamirë të tij, të cilët me prezencën e tyre e bënë këtë ditë edhe më të veçantë.

Organizatorët, shprehën gatishmërinë që turniri të vazhdojë çdo vit, si një formë nderimi për jetën dhe veprën e arsimtarit dhe sportistit që la gjurmë në fushën e sportit.