U zgjodh shef shtabi politik në FRBDI-Gostivar, me figurën e Ahmetit në bluzë Miftari simbolizon vijimësinë e misionit

Botuar nga Flaka 18 Maj, 2025 08:42

Gjatë një takimi rinor të mbajtur me liderin e Bashkimit Demokratik për Integrim, Ali Ahmeti, i riu Admir Miftari është zgjedhur shef i Shtabit Politik të Rinisë së BDI-së në Gostivar. Në fjalimin e tij pas emërimit, Miftari theksoi rëndësinë e vizionit evropian dhe përkushtimin e brezit të ri për ndryshim dhe përparim, raporton Gostivari Sot

“Rinia shqiptare ka nevojë për vizion dhe udhëheqje që e orienton drejt së ardhmes. Dhe ajo që ne kërkojmë është e qartë: rruga evropiane – rruga e vlerave, e drejtësisë, e zhvillimit dhe e barazisë për të gjithë qytetarët e këtij vendi”, u shpreh Miftari.

Ai shtoi se rinia nuk kërkon privilegje, por mundësi reale për të ndërtuar një jetë dinjitoze në vendin e tyre. Duke kritikuar stagnimin institucional dhe ndjesinë e lënies pas dore të të rinjve, Miftari theksoi se është koha për veprim dhe bashkim rreth vlerave që çojnë drejt integrimit evropian.

Me një simbolikë të veçantë, ai mbante të veshur një bluzë me figurën e liderit Ahmeti në moshën 24-vjeçare – kohë kur edhe vetë ishte student – duke e lidhur historinë dhe idealet e brezave me përpjekjet aktuale të rinisë.

“Është rinia ajo që ndez shpresën, që sjell energjinë për ndryshim dhe që hap rrugët për një të nesërme më të drejtë, më të barabartë dhe më evropiane”, deklaroi Miftari, duke përfunduar fjalën e tij me një zotim për angazhim të pandalshëm në shërbim të shoqërisë dhe vizionit politik të liderit Ahmeti.

“Zoti i bekoftë shqiptarët!”, përfundoi ai mes duartrokitjeve të të pranishmëve. Gostivari Sot

Botuar nga Flaka 18 Maj, 2025 08:42

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.