VLEN i dërgon urime Edi Ramës, pavarësisht mbështetjes për partitë opozitare!

Botuar nga Flaka 19 Maj, 2025 12:32

Subjekti politik VLEN ka përcjellë urimet e tij për Kryeministrin e Shqipërisë, Edi Rama, pas fitores së Partisë Socialiste në zgjedhjet parlamentare të 11 majit, përcjell Flaka. Në telegramin e urimit, VLEN e cilëson Shqipërinë si “shtetin bërthamë të të gjithë shqiptarëve në botë”, duke theksuar se çdo sukses në Tiranë përjetohet si krenari e përbashkët në mbarë hapësirën shqiptare.

“Lidhja jonë me vendin amë është lidhje gjaku, gjuhe dhe historie, një ndjenjë e thellë që na bashkon përtej çdo kufiri politik,” thuhet në mesazhin e VLEN, duke ritheksuar rëndësinë e bashkëpunimit institucional dhe kombëtar mes Shqipërisë dhe shqiptarëve në Maqedoninë e Veriut.

Në të njëjtën kohë, urimi i VLEN vjen pas një periudhe që u karakterizua nga pozicionime të qarta të disa prej liderëve të saj në favor të opozitës shqiptare atje.

Pak ditë para zgjedhjeve, kryetari i Lëvizjes Demokratike, Izet Mexhiti, priti në Shkup drejtuesit e koalicionit opozitar “Nisma Shqipëria Bëhet”, ndërsa kryetari i Lëvizjes BESA, Bilall Kasami, zhvilloi një vizitë në Tiranë ku dha mbështetje publike për kandidaten demokrate Jorida Tabaku.

Këto veprime, të cilat në sipërfaqe u paraqitën si ndërhyrje të drejtpërdrejta në procesin zgjedhor të Shqipërisë. Megjithatë, me urimin zyrtar të sotëm, VLEN duket se synon të riafirmojë një pozicion institucional dhe të përbashkues përtej dallimeve politike. Flaka

Botuar nga Flaka 19 Maj, 2025 12:32

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.