A e dini se Maqedonia e Veriut jeton në ajër të ndotur për 11 muaj në vit?
Botuar nga Flaka
303 persona në 100 mijë banorë rrezikohen nga ajri i ndotur, ndërsa në kryeqytet rreth 1200 persona në vit vdesin si pasojë e ndotjes. Sipas organizatës joqeveritare O2 vetëm një muaj e gjysmë Maqedonia e Veriut thithë ajër të pastër, 11 muaj të tjerë vazhdimisht përballet me grimca të larta PM 2.5. Ndërsa programet qeveritare për uljen e ndotjes së ajrit thonë se nuk kanë dhënë asnjë rezultat.
“Maqedonia është në krye të Evropës për numrin e vdekjeve për shkak të ekspozimit të grimave PM 2.5. Statistikat thonë se 303 persona në 100 mijë banorë jemi në rrezik. Pra, në bazë të statistikave kemi 5-6 deri në 10 herë më shumë vdekshmëri për shkak të ndotjes së ajrit me grimcat PM, nga shtetet më të mëdha të Evropës.
Në vendin tonë, sipas Agjencisë Evropiane të Mjedisit Jetësor në vitin 2022, 3600 qytetarë kanë vdekur më herët për shkak të ekspozimit ndaj grimcave 2.5”, deklaroi Eli Pesheva, Nisma “O2”.
Qendra për Ndryshime Klimatike thotë se vendit i mungon bashkëpunimi mes autoriteteve në zbatimin e masave parandaluese.
“Mungon koordinimi mes institucioneve, pra nëse duam të përballemi me ajrin e ndotur është e nevojshme, jo vetëm Ministria e Mjedisit Jetësor, por edhe ministritë tjera të punojnë në zbatimin e masave. Në këtë drejtim do doja të rekomandoj themelimin e një organi koordinues që do ta koordinojë punën e të gjitha institucioneve dhe do të ndjekë zbatimin e masave”, deklaroi Bojana Stanojevska Peçurovska, Qendra për Ndryshime Klimatike.
Këto komente u bënë në debatin në Kuvend lidhur me Efektet e ndotjes së ajrit. Gjithashtu u theksua se 11.6 për qind e vdekjeve të foshnjave në vend ndodh për shkak të ndotjes së ajrit. Shkupi, Kumanova, Tetova, Kavadari, Strumica u renditën si qytetet më të ndotura. /Alsat/
Botuar nga Flaka
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
