VLEN: Mirëpritemi nga faktori ndërkombëtar si garanci për stabilitet dhe integrim

Botuar nga Flaka 20 Maj, 2025 08:55

Subjekti politik VLEN po vazhdon të konsolidojë pozitat e tij në skenën politike të Maqedonisë së Veriut, duke u shndërruar në një partner të besueshëm dhe kredibil në sytë e faktorit ndërkombëtar. Në një periudhë kur vendi kërkon stabilitet, reforma dhe integrim të sinqertë euro-atlantik, politikat e VLEN-it po hasin në përkrahje të plotë nga aleatët perëndimorë.

Përfaqësues të lartë të këtij subjekti politik po mbajnë takime të rregullta me diplomatët dhe përfaqësuesit e Bashkimit Evropian dhe Shteteve të Bashkuara të Amerikës, ku po shprehet qartë mbështetja për vizionin e tyre reformues. Kjo përbën një sinjal të fuqishëm se VLEN shihet si faktor stabiliteti dhe si një urë ndërlidhëse me vlerat demokratike perëndimore.

Në të kundërt, BDI-ja po përballet me një izolim të thellë në rrafshin ndërkombëtar. Humbja e besimit nga partnerët strategjikë është pasojë e keqpërdorimeve sistematike të pushtetit për interesa personale dhe klanore. Figura kyçe të kësaj partie tashmë janë në listat e zeza ndërkombëtare dhe shpallur persona “non grata”, një paralajmërim se krimi dhe korrupsioni nuk kanë më vend në politikën euro-atlantike.

“VLEN është alternativa e vetme që ofron një të ardhme të bardhë për shqiptarët dhe për Maqedoninë e Veriut në tërësi”, thuhet në reagimet e brendshme të partisë. Me platformën e saj të bazuar në drejtësi, transparencë dhe bashkëpunim të sinqertë me partnerët ndërkombëtarë, VLEN synon të ndërtojë një shtet funksional dhe të barabartë për të gjithë qytetarët.

“Me VLEN, e ardhmja ndërtohet mbi ndershmërinë dhe drejtësinë; me BDI-në, e kaluara e errët dhe e korruptuar zgjatet pafundësisht,” theksojnë zyrtarë të këtij subjekti politik.

Në një kohë kur qytetarët kërkojnë ndryshim të vërtetë, mbështetja ndërkombëtare për VLEN është dëshmi se besimi dhe serioziteti ndërtohen me vepra konkrete dhe jo me retorikë boshe. Flaka

Botuar nga Flaka 20 Maj, 2025 08:55

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.