Dhunë, drogë, mashtrime dhe incidente të shumta në vend
Botuar nga Flaka
Në 24 orët e fundit, njësitë policore në Maqedoninë e Veriut kanë ndërmarrë një sërë veprimesh në terren, duke evidentuar raste të shumta të dhunës fizike, posedimit të lëndëve narkotike, mashtrimeve, armëmbajtjes pa leje, falsifikimit të dokumenteve dhe incidenteve në trafik, njofton Flaka
Në Kriva Pallankë, tre persona janë kallëzuar penalisht për sulm të dhunshëm ndaj një të mituri dhe dy personave tjerë, ndërsa në Shkup është arrestuar një i ri në burg për posedim heroine dhe marihuane. Në një rast tjetër, në fshatin Gllumovë, policia ka gjetur armë zjarri dhe municion të paligjshëm gjatë një bastisjeje.
Në kufirin e Deve Bairit është ndaluar një shtetas turk me dokument të falsifikuar të sigurimit automobilistik, ndërsa në Aeroportin Ndërkombëtar të Shkupit u arrestua një person me fletarrest aktiv. Ndërkohë, në Shkup janë kapur disa persona me drogë dhe mjete të mprehta në vende të ndryshme të qytetit.
Policia po ashtu ka ndërhyrë në disa raste dhune në familje dhe në shkolla, ku viktima ishin të mitur. Ndodhi edhe një aksident i rëndë trafiku me lëndime të rënda trupore për drejtuesin e një mopedi.
Janë raportuar edhe raste të mashtrimeve, përfshirë një grua e moshuar që u mashtua me 1.800 euro përmes një skeme telefonike. Gjithashtu, u raportua publikimi i një videoje eksplicite në rrjetet sociale nga një i mitur, si dhe një përleshje masive në fshatin Bansko të Strumicës.
Policia vijon me hetimet për secilin rast dhe ka paralajmëruar kallëzime penale aty ku është e nevojshme. Autoritetet theksojnë rëndësinë e bashkëpunimit me qytetarët për parandalimin dhe zbardhjen e këtyre veprave penale. Flaka
Botuar nga Flaka
