Taipi: Fetai në vend të mbrojtje së shqiptarëve u vendos në shërbim të pazareve

Botuar nga Flaka 28 Maj, 2025 18:59

Kur gënjeshtra bëhet strategji, padrejtësia bëhet identitet! Kështu e nis shkrimin e tij në rrjetet sociale kryetari i Kuvendit të ASH-së, Nazim Taipi.

Përmes këtij shkrimi Taipi i drejtohet ish bashkëpartiakut, Arben Fetai, i cili siç thotë në vend të mbrojtjes së shqiptarëve, është vendosur në shërbim të pazareve.

“Deri dje pjesë e Aleancës për Shqiptarët, sot Arben Fetai është shndërruar në zërin më të zellshëm të shpifjeve dhe intrigave kundër Arben Taravarit. Në vend që të mbrojë interesin e shqiptarëve, ai ka zgjedhur rrugën e sulmeve të ulëta – në shërbim të pazareve që dikur i dënonte me fjalë, por sot i përqafon me vepra”, shkruan Taipi.

Ai më tej thotë se Fetai flet për gjoja pazare me BDI-në, pa asnjë fakt.
“Flet për gjoja interesa personale, pa asnjë provë.

Flet si i dëshpëruar, sepse e di që nuk ka më vend në politikën e ndershme shqiptare”.

Sipas Taipit, Fetai sot është bërë simbol i atyre që për karrierë personale janë gati të shkelin mbi çdo parim dhe mbi çdo bashkëpunëtor.

“Por nuk do të ia dalë! Një ditë, do të bëhet vetë viktimë e padrejtësisë që sot po e prodhon me dorën e vet. Arben Taravari është dhe mbetet zëri i vetëm i drejtë, i guximshëm dhe i vendosur në mbrojtje të interesave të shqiptarëve.
Ai nuk shitet, nuk përkulet dhe nuk i nënshtrohet pazareve në dëm të shqiptarëve”, shkruan më tej Taipi.

Ai thotë se “Ne jemi me Taravarin, sepse kauza jonë nuk është për poste e privilegje – është për dinjitetin dhe të ardhmen e shqiptarëve”.

Botuar nga Flaka 28 Maj, 2025 18:59

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.