Bujar Osmani prezanton iniciativën “Bashkë”: Thirrje për mobilizim mbarëkombëtar

Botuar nga Flaka 30 Maj, 2025 22:24

Në vazhdën e takimeve me qytetarët, ministri në largim i Punëve të Jashtme, Bujar Osmani, ka prezantuar iniciativën “BASHKË…” edhe në lagjen Dizhon 2 në Çair, duke e cilësuar atë si një lëvizje mbarëkombëtare dhe mbipartiake, e cila synon të ruajë dhe mbrojë integritetin e Marrëveshjes Themelore të Ohrit, të arritur para 24 vitesh, transmeton Flaka

“BASHKË…” është përgjigje ndaj një agresioni të paprecedent institucional, që po rrezikon barazinë dhe bashkëjetesën në vend. Diskriminimi, përjashtimi dhe nënçmimi po shndërrohen në standard të ri politik, dhe kjo kërkon një reagim të fuqishëm nga të gjithë, përtej partive dhe bindjeve,” u shpreh Osmani.

Ai tha se qytetarët e Dizhonit janë të vetëdijshëm për këto zhvillime dhe ndajnë të njëjtin shqetësim për degradimin e barazisë dhe standardeve demokratike në nivel lokal dhe qendror.

“Nuk kishte nevojë për shumë fjalë. Ajo që shihet në terren flet vetë. Çdo qytetar që jeton dhe rrit fëmijët në këtë komunë e ndien pasigurinë dhe zhgënjimin,” theksoi Osmani.

Iniciativa “BASHKË…” është shpallur si përpjekje gjithëpërfshirëse për ta rikthyer Marrëveshjen e Ohrit në qendër të vëmendjes politike dhe për të penguar devijimet nga parimet e saj themelore.

Osmani shprehu mirënjohje për organizatorët lokalë, Shaipin dhe Refikun, si dhe për të gjithë qytetarët që morën pjesë në takimin e mbajtur në zemër të lagjes Dizhon 2.

Për më shumë informacione mbi zhvillimet politike dhe nismat qytetare, na ndiqni në portalin tonë. Flaka Media

Botuar nga Flaka 30 Maj, 2025 22:24

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.